IT užo nie toje? Navučańnie jakim prafiesijam zaraz modnaje ŭ biełarusaŭ
U GeekBrains, anłajn-płatformie dla atrymańnia adukacyi, skłali rejtynh modnych prafiesij, na jakija stali čaściej pieravučvajucca biełarusy. U lidarach — mieniedžar markietplejsaŭ, ličbavy dyzajnier i raspracoŭščyk hulniaŭ. Heta pakazała ŭnutranaje daśledavańnie popytu na navučańnie, piša Onliner.by.
Jak majecca IT?
Pryjarytety biełarusaŭ prykmietna źmianilisia z sakavika minułaha hoda. Kali raniej amal usie chacieli vyvučycca na prahramistaŭ, to ciapier cikavaść da prafiesii stała źnižacca. Siarod biełaruskich kampanij skaraciŭsia popyt na «kodaraŭ», adnak prafiesija zapatrabavanaja za miažoj i ŭ farmacie fryłansu.
Bolš za ŭsio źniziłasia cikavaść da navučańnia na teściroŭščyka. Tym časam stała bolš tych, chto choča zajmacca mašynnym navučańniem i kibierbiaśpiekaj. Popyt na hetyja śpiecyjalizacyi budzie raści ŭ nastupnyja hady. Stała bolš zapatrabavanaja i 1C-raspracoŭka. Ź inšych papularnych moŭ prahramavańnia — Python, C++ i Java.
Modnyja prafiesii zaraz
GeekBrains pravioŭ daśledavańnie: pahladzieli, na jakija prafiesii pieravučvalisia biełarusy ŭ minułyja hady, a na jakija zaraz. I skłaŭ rejtynh samych modnych prafiesij u biełarusaŭ.
Rejtynh uznačaliŭ mieniedžar pa pracy z markietplejsami. Usiaho za dva hady popyt na navučańnie ŭźlacieŭ u 6 razoŭ. Burny rost prodažaŭ na markietplejsach spryjaŭ pośpiechu śpiecyjalnaści.
Na druhim miescy — prafiesija ličbavaha dyzajniera, jaki zajmajecca vizuałami dla multymiedyjnych prajektaŭ. Taksama zapatrabavana 3D-madelavańnie: biełarusy vučacca stvarać trochmiernyja abjekty, tekstury, aśviatleńnie, materyjały i animacyju. Popyt na navučańnie pa hetaj śpiecyjalnaści ŭpeŭniena raście apošnija hady.
U piaciorku ŭvajšli dźvie prafiesii dla stvaralnikaŭ hulniaŭ — raspracoŭka na Unity i na Unreal Engine. Cikavaść da ich zastajecca stabilna vysokaj, pryčym asabliva aktyŭna pa hetych napramkach stali vučycca z sakavika minułaha hoda.
«Biełarusy zvyčajna zadumvajucca ab novaj prafiesii ŭ pačatku viasny i vosieni. Na hetyja miesiacy prypadaje pik zapytaŭ na navučańnie, jaki źmianiajecca čakanym spadam u červieni i lipieni — u siezon adpačynkaŭ. Pry hetym adbyvajecca pieraraźmierkavańnie popytu na bolš modnyja prafiesii, asabliva ŭ IT-śfiery. Amal nie schilny vahańniaŭ cikavaść da śpiecyjalnaściach markietołaha i psichołaha. Časta ich asvojvajuć nie stolki dla atrymańnia pracy, kolki dla siabie abo svajho biznesu», — adznačajuć u GeekBrains.
Biełarusy taksama cikaviacca takimi tradycyjnymi prafiesijami, jak finansavy analityk i łandšaftny dyzajnier. Usio bolš ludziej vybirajuć śpiecyjalnaści, pa jakich budzie lohka znajści pracu z hodnym zarobkam.
Kamientary