U vydaviectvie «Biełaruskaja navuka» vyjšaŭ albom-manahrafija «Zabytaja ekśpiedycyja 1923 hoda. La vytokaŭ akademičnaj etnahrafii ŭ Biełarusi». Jaje aŭtary — Siarhiej Hruntoŭ, Janina Hrynievič i Nadzieja Saŭčanka.
Kniha pryśviečanaja vyvučeńniu historyi padrychtoŭki i praviadzieńnia etnahrafičnaj ekśpiedycyi 1923 hoda, jakaja była arhanizavana sumiesna Inbiełkultam i Hałoŭnym archiŭnym upraŭleńniem. Sabranyja joju ekspanaty byli pradstaŭlenyja ŭ biełaruskim paviljonie Pieršaj Usiesajuznaj sielskahaspadarčaj i kustarna-pramysłovaj vystavy ŭ Maskvie, a paśla stali asnovaj etnahrafičnaj ekspazicyi Biełaruskaha dziaržaŭnaha muzieja.
Asnovu vydańnia składajuć 59 fotazdymkaŭ ekśpiedycyi, jakija zachoŭvajucca ŭ fondach Nacyjanalnaha histaryčnaha muzieja Respubliki Biełaruś. Całkam jany publikujucca ŭpieršyniu, da kožnaha składzieny razhornuty kamientar.
U knizie pradstaŭlenyja historyja arhanizacyi i praviadzieńnia ekśpiedycyi, praces padrychtoŭki da Usiesajuznaj vystavy i praca jaje biełaruskaha paviljona. Akramia taho, pradstaŭlenyja bijahrafičnyja narysy ŭdzielnikaŭ ekśpiedycyi Michasia Mialeški, Alaksandra Šlubskaha, Mikoły Azbukina i Lva Daškieviča dy ahlad raźvićcia biełaruskaj savieckaj etnahrafii i falkłarystaŭ u 1920-ja — pačatku 1930-ch hadoŭ.
Vydańnie padrychtavana pieravažna na materyjałach fondaŭ Nacyjanalnaha archiva Respubliki Biełaruś i pa publikacyjach u tahačasnym pieryjadyčnym druku. Kniha padrychtavanaja da 100-hodździa praviadzieńnia ekśpiedycyi.
Albom-manahrafija budzie cikavy etnołaham, historykam, mastactvaznaŭcam, krajaznaŭcam, a taksama šyrokamu kołu čytačoŭ, jakija cikaviacca biełaruskaj historyjaj i kulturaj.
«Nu ty ž historyk, raspaviadzi nam, što budzie dalej». Jak biełaruskija historyki pieratvaryli piva ŭ kavu
Słuckija pajasy tkali niehrycianki — archiŭnaje adkryćcio
«Spačatku ja nie mahła ŭ heta pavieryć». Praprapraŭnučka Dunina-Marcinkieviča raskazała, jakija pačućci ŭ jaje vyklikaje pryznańnie tvorčaści prodka «ekstremisckaj»
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach5
Kamientary