Stała viadoma, što biełaruski akcior Jahor Najdovič, jaki zdymaŭsia ŭ papularnych rasijskich sieryjałach «SašaTania» i «Ciažkija padletki» pamior u 40 hadoŭ ad raku ŭ Maskvie. Śmierć akciora paćvierdzili jaho siabry, piša «Kamsamolskaja praŭda».
Siabry akciora paviedamili, što ciaham doŭhaha času Najdovič chvareŭ.
«Kažuć, rak, a rak čaho kankretna, nie viedajuć», — adznačyŭ akcior Alaksandr Bujanaŭ.
Apošni post na svajoj staroncy ŭ sacyjalnaj sietcy Najdovič napisaŭ u pačatku śniežnia 2023 hoda. U im jon zaprašaŭ svaich prychilnikaŭ na śpiektakl «Fantazii Faraćjeva», u jakim vykonvaŭ rolu aficera.
Jahor Najdovič naradziŭsia 3 maja 1983 hoda ŭ Estonii. Jon ros u siamji vajskoŭca. Pa pryčynie słužby baćki siamja davoli časta pierajazdžała.
Svaje dziciačyja hady budučy akcior pravioŭ u Minsku. Skončyŭšy škołu, jon pastupiŭ u Biełaruski dziaržaŭny ŭniviersitet na fakultet žurnalistyki. Jašče ŭ studenckija hady pačaŭ pracavać u biełaruskich vydańniach.
Jak akcior jon debiutavaŭ u 2005 hodzie ŭ biełaruskim filmie «Try talery» pa tvorach Andreja Fiedarenki, u jakim vykonvaŭ truki.
U 2008 hodzie Najdovič syhraŭ u kinakarcinie «Spadary aficery: vyratavać impieratara», a ŭ 2016 akcior vykanaŭ epizadyčnuju rolu ŭ papularnym rasijskim sieryjale «Muchtar. Novy śled».
Z 2020 hoda jon pačaŭ zdymacca ŭ sieryjale «SašaTania». Taksama zdymaŭsia ŭ sieryjale «Ciažkija padletki», a ŭ 2022 hodzie ź jaho ŭdziełam vyjšaŭ film «Uschod».
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»26
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary
Pa hetaj frazie vidać, što akcior Bujanaŭ drenna sabie ŭjaŭlaje što takoje rak.