USU zajavili pra źniščeńnie rasijskaha desantnaha karabla «Novačarkask» u Krymie
Nočču ŭ akupavanym Krymie zdaryŭsia mahutny vybuch. USU śćviardžajuć, što byŭ atakavany vialiki desantny karabiel «Novačarkask». Kiraŭnik aneksavanaha Kryma Siarhiej Aksionaŭ paćvierdziŭ, što ŭzbrojenyja siły Ukrainy atakavali port Fieadosii.
Kamandujučy pavietranymi siłami Ukrainy Mikałaj Alaščuk zajaviŭ, što ŭ porcie Fieadosii atakavany vialiki desantny karabiel «Novačarkask».
«A fłotu na Rasii stanovicca ŭsio mienš! Hetym razam uśled za fłahmanam ČF RF — krejsieram «Maskva» — idzie vialiki desantny karabiel «Novačarkask». Dziakuju piłotam pavietranych sił i ŭsim datyčnym za filihrannuju pracu», — napisaŭ Alaščuk.
Pavietranyja siły Ukrainy abviaścili, što ŭdar pa rasijskim karabli ŭ Fieadosii byŭ naniesieny kryłatymi rakietami.
«Kala 02:30 26 śniežnia taktyčnaja avijacyja pavietranych sił atakavała kryłatymi rakietami vialiki desantny karabiel Čarnamorskaha fłotu RF «Novačarkask» u rajonie Fieadosii», — havorycca ŭ ranišniaj karotkaj zvodcy US.
Kiraŭnik aneksavanaha Kryma Siarhiej Aksionaŭ paćvierdziŭ, što USU atakavali port Fieadosii.
«Praviedziena varožaja ataka ŭ rajonie Fieadosii. Terytoryja porta ačeplenaja. Na dadzienuju chvilinu detanacyja spyniłasia, pažar łakalizavany. Na miescy pracujuć usie profilnyja słužby. Žychary niekalkich damoŭ buduć adsielenyja. Trymaju situacyju na asabistym kantroli. Prašu zachoŭvać spakoj i daviarać tolki aficyjnaj infarmacyi», — napisaŭ jon nočču ŭ telehram-kanale.
Fieadosija — horad na paŭdniovym uschodzie zachoplenaha Rasijaj Krymskaha paŭvostrava. U jaje port paśla sieryi ŭkrainskich udaraŭ pa Sievastopali była pierabazavanaja častka karabloŭ rasijskaha Čarnamorskaha fłotu.
Ciapier čytajuć
Dva sakrety, dziakujučy jakim adbyłasia karjera novaha pres-sakratara MZS Rusłana Varankova4
Dva sakrety, dziakujučy jakim adbyłasia karjera novaha pres-sakratara MZS Rusłana Varankova
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier55
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier5
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary