Tych, chto nie choča pracavać, buduć karać. Takaja prapanova prahučała z boku milicyi.
— Što ŭ hetym było drennaha — zakonnym šlacham prymusić ludziej pracavać, prynosić karyść u pieršuju čarhu sabie i svajoj siamji, a pa-druhoje, — hramadstvu? Kab mielisia srodki da isnavańnia. A nie tak, jak niekatoryja ciapier: skraŭ, vypiŭ, sieŭ, skraŭ, vypiŭ, sieŭ. Za čatyry hady — piać sudzimaściaŭ. I takija vypadki byvajuć, — raspavioŭ načalnik UUS Hrodzienskaha abłvykankama Dźmitryj Raziankoŭ na pres-kanfierencyi 1 lutaha.
Takuju prapanovu orhany ŭnutranych spraŭ płanujuć nakiravać u zakanadaŭčy orhan, jaki sfarmujecca paśla vybaraŭ deputataŭ, a taksama ahučyć na Usiebiełaruskim narodnym schodzie, piša «Viačerni Hrodna».
Unieści ŭ administracyjny kodeks artykuł ab darmajedstvie, pa jakim niepracujučych biełarusaŭ možna budzie pryciahvać da adkaznaści, Ministerstva ŭnutranych spraŭ prapanoŭvała jašče ŭ 2015 hodzie. Tady havorka išła pra toje, kab štrafavać paŭnaletnich pracazdolnych hramadzian, jakija pastajanna pražyvajuć na terytoryi Biełarusi i bolš za 6 miesiacaŭ na praciahu hoda ŭchilajucca ad vypłaty padatkaŭ, pošlin i inšych płaciažoŭ. Dla złosnych uchilistaŭ praduhledžvali aryšt z prymusovym nakiravańniem na pracu.
U lutym i sakaviku 2017 hoda ŭ roznych haradach krainy prajšli masavyja pratesty suprać zakona, jakija ŭdałosia zadušyć tolki previentyŭnymi represijami. Łukašenka ŭ vyniku admianiŭ zakon.
Zaraz ža zakanadaŭstvam nie vyznačana paniaćcie «darmajedstva». Isnuje inšaje — nie zaniatyja ŭ ekanomicy pracazdolnyja asoby. Hetyja ludzi apłačvajuć niekatoryja kamunalnyja pasłuhi pa poŭnym košcie.
U SSSR isnavała sistema mier pa baraćbie z darmajedstvam. Kryminalnymi kodeksami sajuznych respublik była praduhledžana adkaznaść (u BSSR — artykuł 204) za zaniatak badziažnictvam abo žabravańniem albo viadzieńnie inšaha parazityčnaha ładu žyćcia z maksimalnym pakarańniem — adzin hod pazbaŭleńnia voli.
Biełarusaŭ, što źjechali za miažu praz Rasiju, pryznajuć darmajedami
Samazaniatyja pačali atrymlivać listy pra zaličeńnie ŭ darmajedy. Jak takoje mahčyma?
Tym, chto źjechaŭ z krainy, mohuć pieraličyć kamunałku
U «darmajedskaj» kamisii raskazali, kaho z tych, chto źjechaŭ za miažu, mohuć vyklučyć z bazy «ŭtrymancaŭ»
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam20
Kamientary
A siejčas niemnoho po-druhomu vsio budiet. Bieź ćvietočkov.