«U Capkały niejkaja vypadkovaść u bačańni budučaj Biełarusi, a voś u Vieraniki vialiki patencyjał» — Knyrovič
U novym vypusku TOKu viadomy biźniesmien Alaksandr Knyrovič daŭ svaju acenku Valeryju i Vieraniki Capkałaŭ. I paraŭnaŭ z Sachaščykam.
Padčas hutarki Alaksandr Knyrovič adkazvajučy na pytańnie, čamu ŭ Valeryja Capkały nie atrymałasia, źviarnuŭ uvahu na jaho žonku:
«Mnie vielmi škada, što Vieranika Capkała jak adna z troch žančyn, jakija stajali na płoščach, siońnia nie ŭdzielničaje ŭ biełaruskaj palitycy tak, jak jana mahła b udzielničać. Tamu što ŭ jaje taksama byŭ patencyjał, paraŭnalny z Cichanoŭskaj. Mnie škada, što ich darohi razyšlisia».
Adnosna Valeryja Capkały Knyrovič zaŭvažyŭ: «Dla taho, kab udzielničać u palitycy, patrebna niejkaja ideałahičnaja asnova. Treba być za niešta i [treba być] ćviordym u svaich pierakanańniach. Toje, što ja baču ŭ Valeryja Capkały, heta niejkaja vypadkovaść ujaŭleńniaŭ ab budučym Biełarusi».
Akramia hetaha, jak adznačyŭ biznesmien, u dziejańniach Capkały jon nie bačyć paśladoŭnaści:
«Patencyjał jak by vialiki. A patencyjał u Vieraniki da hetaj pary vialiki. Ale voś upłyŭ, na žal, zusim niaznačny. Ja nie baču paśladoŭnaści. Tamu što navat u dziejańniach Valeryja Sachaščyka ja baču niejkuju paśladoŭnaść. My ŭžo viedajem jaho pohlady, pramaliniejnaść, pamyłki. My možam navat pradkazać, jak da niejkaj padziei pastavicca Valeryj Sachaščyk. Heta nie padobna da pazicyi Capkały».
Hladzicie całkam:
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
Kamientary
https://www.youtube.com/watch?v=STKa4MI_7e0