U Izraili z-za doŭhaha jazyka Łukašenki admianili kanfierencyju da 80-hodździa vyzvaleńnia Biełarusi
Kanfierencyju «Trahiedyja i hieraizm na biełaruskaj ziamli — da 80-hodździa vyzvaleńnia Biełarusi ad niamiecka-fašysckich zachopnikaŭ», jakuju płanavali 27 červienia pravieści ŭ Izraili, admianili ŭ suviazi z apošnimi antysiemickimi vykazvańniami Alaksandra Łukašenki. Pra heta paviedamlaje «Pozirk» na padstavie svaich «vartych davieru krynic».
U ramkach mierapryjemstva, jakoje pavinna było prajści ŭ Muziei jaŭrejskaha vajara Druhoj suśvietnaj vajny imia Chaima Hiercaha (Łatrun), akramia kanfierencyi, mierkavałasia pravieści cyrymoniju ŭskładańnia viankoŭ da manumienta ŭ pamiać pra jaŭrejaŭ-partyzan i zmaharoŭ hieta.
Zaviaršycca mierapryjemstva pavinna było furšetam, aznajamleńniem z vystavaj pra padziei Druhoj suśvietnaj vajny ŭ Biełarusi i ekskursijaj pa muziei jaŭrejskaha vajara.
Takaja reakcyja stała vynikam taho, što 14 červienia, havoračy pra karupcyjnuju spravu z udziełam Ihara Bryło, jaki spačatku byŭ ministram sielskaj haspadarki i charčavańnia, a paśla pamočnikam Łukašenki pa Viciebskaj vobłaści, Łukašenka zhadaŭ, što razam ź im pa kryminalnaj spravie prachodziać try dziasiatki čałaviek i čamuści padkreśliŭ ich etničnaje pachodžańnie.
«Voś try dziasiatki čałaviek pieraličanyja. Vy mianie prabačcie, ja nie antysiemit, ale bolš za pałovu jaŭrejaŭ. Heta što, u nas asablivaje, pryvilejavanaje stanovišča zajmajuć, što jany kraduć i nie dumajuć pra svaju budučyniu? Usie adnolkavyja pierad zakonam. I jaŭrei, i biełarusy, i ŭkraincy, ruskija i palaki», — zajaviŭ palityk.
Ciapier čytajuć
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary