Biełaruska pajechała ŭ papularny batumski hatel — usio ledź nie skončyłasia kašmaram
Minčanka Kryścina niadaŭna viarnułasia z adpačynku ŭ Hruzii. Razam ź siamjoj biełaruska naviedała Batumi, dzie spyniłasia ŭ papularnym hateli, ale była mocna rasčaravanaja.
Dziaŭčyna apublikavała ŭ tyktoku videa, dzie raskazała, što adpačynak u Batumi ledź nie staŭ dla jaje siamji kašmaram. I ŭsio praz toje, što jany zasialilisia ŭ viadomy hatel Orbi City.
Zvonku jon vyhladaje pryvabna, ale ŭnutry jość šmat prablem, kaža biełaruska. Pieršaja prablema, ź jakoj sutyknułasia Kryścina — čarha ŭ lift:
«My stajali ŭ čerhach pa 10-15 chvilin, i heta nie tak viesieła, jak moža padacca. Dalej: na Booking.com było prykładna voś takoje fota ź vidam z akna, ale nasamreč tut hrandyjoznaja budoŭla».
Taksama ŭ numary była złamanaja sušyłka — daviałosia pakłaści jaje na bok, kab choć niejak pasušyć rečy. Jašče adna prablema — u hateli nie było parkoŭki dla pastajalcaŭ:
«My byli z mašynaj. Zmahli jaje pryparkavać tolki za kiłamietr [ad hatela] i ciahnuli ŭsie našy sumki prykładna kiłamietr.
Kalidorčyki, kaniečnie, u Orbi City niebłahija, ale ŭ mianie było adčuvańnie, što my pryjechali ŭ zvyčajny internat. Darečy, u kožnym takim pakojčyku jość kuchonnaja plita, tamu ŭ kalidory pachnie ježaj».
U vyniku siamja vyrašyła źjazdžać z Orbi City — tam było «šumna, brudnavata, vielmi šmat ludziej». Zamiest hetaha biełarusy źniali žyllo ŭ pryharadzie Batumi. Za toje, što vyjechali z Orbi City raniej za skančeńnie arendy, jany spłacili 20 dalaraŭ štrafu, pry tym što sutki ŭ ich numary bieź śniadankaŭ kaštavali 50 dalaraŭ.
Rolik dziaŭčyny sabraŭ bolš za 430 tysiač prahladaŭ i bolš za tysiaču kamientaroŭ. Šmat karystalnikaŭ adznačajuć, što jany abo žyli ŭ Orbi City, abo znachodziacca tam prosta ciapier, i im usio padabajecca — maŭlaŭ, i ježaj nie pachnie, i vid z akna dobry, a lift davodzicca čakać chvilinu-dźvie.
Ale chapaje i tych, u kaho mienš pazityŭnyja ŭražańni:
«Ciapier žyviem u Orbi, u numary jość plita, ale niama ni patelni, ni rondala. A taksama prałki i mikrachvaloŭki. Bolš nie vierniemsia».
«My ciapier u Orbi Sici, čerhaŭ u lift niama, ale lift płatny. Parkoŭki niama, heta praŭda».
«Padpisvajusia pad kožnym słovam. Žudasny hatel. Nam nie dali kartku dla lifta, zamiest dvuch łožkaŭ byŭ adzin vialiki».
«Byli ź siabrami. Jany spynilisia ŭ Orbi, ja źjechała adrazu ŭ [viosku] Kvaryjaci. Praz čatyry dni siabry pierajechali ŭ Kvaryjaci, škadujučy, što patracili čatyry dni svajho adpačynku ŭ Orbi».
«Naša Niva» — bastyjon biełaruščyny
PADTRYMAĆ«Čałaviek źbiaroh dla vas pavietra!» U tyktoku spračajucca, ci možna lažać u płackarcie ŭ abutku
Były hiendyrektar Google zajaviŭ, što «dystancyjniki» — heta biedstva sučasnych kampanij. Vybuchnuŭ skandał
Błohierka ź Vieniesueły pravieryła, ci sapraŭdy ŭ Biełarusi idealna čysta, i prajšłasia pa vulicach u biełych škarpetkach
Ciapier čytajuć
Sustreču Ryžankova ź Sikorskim paprasiŭ Minsk. Što kamanda Cichanoŭskaj abmiarkoŭvała z palakami da i paśla jaje11
Kamientary