Apieracyja z pejdžarami była praviedzienaja raniej, bo «Chiezbała» zapadozryła niešta niadobraje
Masiravanaha ŭdaru pa celach u Livanie za hetaj apieracyjaj nie było.
Vydańnie Axios apublikavała artykuł izrailskaha žurnalista Baraka Ravida, u jakim sa spasyłkaj na try krynicy ŭ ZŠA śćviardžajecca, što za padryvami pejdžaraŭ u Livanie i Siryi staić Izrail, piša Newsru.co.il.
Pavodle hetych krynic, izrailcianie pryniali rašeńnie ab adnačasovym padryvie pejdžaraŭ, jakija nasili aktyvisty «Chiezbały», «z-za bojazi, što sakretnaja apieracyja mahła być vyjaŭlenaja hrupoŭkaj».
«Heta byŭ momant, kali albo treba vykarystoŭvać, albo stracić», — skazała adna z aficyjnych asob ZŠA.
Ravid pryvodzić słovy niejkaha byłoha izrailskaha čynoŭnika, što viedaŭ ab apieracyi, jaki kaža, što izrailskija raźviedsłužby płanavali vykarystoŭvać zaminiravanyja pejdžary, jakija im udałosia «padkinuć» u šerahi «Chiezbały», u jakaści niečakanaha pieršaha ŭdaru ŭ tatalnaj vajnie, kab pasprabavać paralizavać livanskich bajevikoŭ.
Heta značyć apieracyja z pejdžarami, zhodna z hetaj viersii, była praviedziena raniej vyznačanaha terminu. Masiravanaha ŭdaru pa celach u Livanie za hetaj apieracyjaj nie było.
«U apošnija dni izrailskija lidary stali turbavacca, što «Chiezbała» moža vyjavić pejdžary. Premjer-ministr Izraila Bińjamin Nietanijahu, jahonyja klučavyja ministry, kamandavańnie Armii abarony Izraila i kiraŭnictva raźviedvalnych słužbaŭ vyrašyli vykarystoŭvać sistemu zaraz, a nie ryzykavać tym, što jaje vyjavić «Chiezbała»», — piša Axios sa spasyłkaj na amierykanskaha čynoŭnika.
Niadaŭna dvoje bajevikoŭ «Chiezbały» «vykazali padazreńni adnosna pejdžaraŭ».
Vydańnie taksama piša, što za niekalki chvilin da taho, jak pejdžary pačali vybuchać pa ŭsim Livanie, ministr abarony Izraila Joaŭ Hałant patelefanavaŭ ministru abarony ZŠA Łojdu Ościnu i paviedamiŭ jamu, što Izrail źbirajecca pravieści apieracyju ŭ Livanie ŭ najbližejšy čas, ale admoviŭsia dać jakija-niebudź padrabiaznaści.
Izrail pravioŭ kibierataku na členaŭ «Chiezbały». Piejdžary 1200 bajevikoŭ adnačasova ŭzarvalisia prosta ŭ kišeniach VIDEA
Sałaŭjoŭ śćviardžaje, što za vybuchi pejdžaraŭ u Livanie adkazny izrailski ahient «Machšyr Kiešer». Rahoča ŭvieś internet
U padkładańni vybuchoŭki ŭ piejdžary «Chiezbały» abvinavačvajecca «Masad»
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary