Duraŭ raskazaŭ, što jaho dziaŭčyna była ciažarnaj, kali jaho zatrymali, i paśla straciła dzicia
Uładalnik miesiendžara Telegram Pavieł Duraŭ i jaho dziaŭčyna Julija Vaviłava, jakaja była razam ź im na samalocie, što sieŭ u Francyi, čakali dzicia. Pra heta raskazaŭ sam miljarder.
Pra toje, što jaho dziaŭčyna Julija ciažarnaja, Duraŭ daviedaŭsia 27 žniŭnia, kali byŭ pad vartaj.
«U toj dzień u mianie było zvyčajnaje šmathadzinnaje sumoŭje ŭ palicyi. U pierapynku pamiž pytańniami ja spytaŭ svajho advakata, ci pryjdzie maja Julija taksama na dopyt. Jon skazaŭ, što jaje čakali, ale jana nie zmahła pryjści. Ja staŭ raspytvać jaho pra pryčyny. «Spałochałasia? Źjechała z Paryža?» — spytaŭ ja. Jon vahaŭsia. «Jana ciažarnaja,» — narešcie skazaŭ jon.
Heta byŭ nie toj adkaz, jakoha ja čakaŭ u toj momant. Ja zastavaŭsia spakojnym uvieś čas, pakul znachodziŭsia pad vartaj u palicyi, ale taki pavarot padziej zaśpieŭ mianie źnianacku. Paśla paŭzy ja skazaŭ: «Dziakuj za dobryja naviny». Inšyja prysutnyja — pierakładčyk, słužačy, palicejski — źbiantežana ŭśmichalisia», — napisaŭ Duraŭ u svaim telehram-kanale.
Kali pradprymalnika adpuścili, jon daviedaŭsia, što na jaho dziaŭčynu akazvali cisk.
«Niejki błohier puściŭ słych, što jana «ahient Masada». Inšym ludziam pryjšła ŭ hałavu absurdnaja ideja, što mienavita jaje pasty (a nie infarmacyja ab maim čartarnym rejsie) zaachvocili palicyju sustreć mianie ŭ aeraporcie.
Praz kanfiskacyju pryład jana niekalki tydniaŭ nie mahła atrymać dostup da svaich akaŭntaŭ u Telegram i Instagram. Toje, što jana zamaŭčała ŭ sacyjalnych sietkach, vyklikała jašče bolš čutak. Kibier-ckavańnie, nakiravanaje na jaje, praciahvała nabirać abaroty», — piša Duraŭ.
4 kastryčnika jaho dziaŭčyna naviedvała doktara i daviedałasia, što straciła dzicia.
«Doktar skazaŭ, što serca dziciaci bolš nie biłasia. Ciažka apisać bol. Da taho času my ŭžo pryzvyčailisia da hetaj dumki. Išoŭ 10-y tydzień», — napisała Julija Vaviłava ŭ telehram-kanale.
Apieracyju joj praviali 5 kastryčnika.
«Usio prajšło chutka, amal bieź fizičnaha bolu. Ciapier pryjšoŭ čas padlačycca. Nam udałosia spravicca sa stolkim adrazu. Ale dla małoha heta było zanadta ciažka…» — napisała jana.
Duraŭ upieršyniu prakamientavaŭ svajo zatrymańnie ŭ Francyi
Stała viadoma asoba 24-hadovaj dziaŭčyny, jakuju zatrymali razam z Duravym
Pa francuzskim pašparcie Duraŭ — Paul Du Rove. Raniej jon raskazvaŭ pra hetu historyju jak pra pieršakrasavicki žart
U Francyi zatrymali stvaralnika Telehrama Paŭła Durava. Jamu buduć vystaŭlenyja ciažkija abvinavačvańni
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary
Ale, nakolki pamiataju, praktyčna usie publičnyja zajavy Durava byli pradumanym PR za VK, paśla za Telegram.
Tamu ciažka ŭstrymacca i zaraz ad adčuvańnia, što heta jaho paviedamleńnie maje i manipulatyŭny składnik.