Da šatłandskaha nacyjanalnaha śviata karol Karł III apublikavaŭ svajo FOTA ŭ kiłcie
Novaje fota karala Vialikabrytanii Karła III, jaki paziruje ŭ tradycyjnaj klatčastaj spadnicy (kiłcie) u zamku Bałmarał, apublikavana da dnia naradžeńnia šatłandskaha paeta Robierta Biornsa, jaki adznačajecca ŭ Šatłandyi jak nacyjanalnaje śviata 25 studzienia, piša Bi-bi-si.
Fotazdymak byŭ zrobleny vosieńniu minułaha hoda ŭ biblijatecy letniaj rezidencyi karaleŭskaj siamji ŭ Abierdzinšyry na poŭnačy Šatłandyi.
Kiłt karala byŭ stvorany na asnovie tak zvanaha tartana Bałmarał, jaki byŭ raspracavany asabista mužam karalevy Viktoryi pryncam Albiertam u 1850-ja hady i z tych časoŭ zastavaŭsia abaviazkovym atrybutam karaleŭskaj siamji.
Hety tartan, jaki ŭklučaje zialony, sini i čyrvony kolery, byŭ prydumany Upraŭleńniem šatłandskich tartanaŭ u 2023 hodzie z nahody karanacyi Karła i zaklikany simvalizavać «niastomnuju prychilnaść manarcha spravie zachavańnia kultury i tradycyj adzieńnia hornaj Šatłandyi i šatłandskich tartanaŭ».
Na fatahrafii karol taksama vyjaŭleny ŭ halštuku koleraŭ jaho tartana i z tradycyjnym sporanam — pajasnoj torbaj-kašalom.
Fota karala ŭ Bałmarale ŭ tradycyjnym šatłandskim stroi było apublikavana z nahody šatłandskaha nacyjanalnaha śviata — Dnia naradžeńnia paeta Robierta Biornsa (1759-1796). Šatłandcy pa tradycyi adznačajuć hety dzień śviatočnaj viačeraj, padčas jakoj u peŭnym paradku padajucca apietyja paetam stravy, jakija ŭnosiać pad huki dudy paśla papiaredniaha čytańnia adpaviednych vieršaŭ, takich jak «Oda chahisu».
Paśla ŭračystaściaŭ, pryśviečanych Biornsu, Karł III 27 studzienia adpravicca ŭ Polšču, dzie naviedaje cyrymoniju z nahody 80-j hadaviny z dnia vyzvaleńnia nacysckaha kancłahiera Aŭšvic.
Heta budzie pieršaja zamiežnaja pajezdka brytanskaha manarcha ŭ novym hodzie. Biez małoha hod tamu ŭ jaho dyjahnastavali rak. U vyniku Karł III byŭ vymušany na čas lačeńnia admovicca ad udziełu ŭ hramadskich mierapryjemstvach na niekalki tydniaŭ, adnak užo ŭ krasaviku minułaha hoda viarnuŭsia da pracy.
Kruks, jaki zrabiŭ zamach na Donalda Trampa, płanavaŭ napad i na člena brytanskaj karaleŭskaj siamji
Brytanski karol nadzieŭ halštuk sa ściaham Hrecyi paśla sprečki premjeraŭ
Na karanacyi Karła III zaŭvažyli niečakanaha hościa. Žarty ŭ sacsietkach nie spynić
U čas karanacyi Karł III siadzieŭ na vialikim kamieni. Čym admietny hety kavałak piasčaniku?
Sustreču Ryžankova ź Sikorskim paprasiŭ Minsk. Što kamanda Cichanoŭskaj abmiarkoŭvała z palakami da i paśla jaje11
Kamientary