Dziarždep ZŠA zaklikaŭ vyzvalić usich palitviaźniaŭ u Biełarusi
Kiraŭnik źniešniepalityčnaha viedamstva ZŠA Marka Rubia ŭ svajoj zajavie zaklikaŭ režym Łukašenki vyzvalić usich palityčnych viaźniaŭ z turmaŭ Biełarusi. Jon nazvaŭ ličbu palitviaźniaŭ u krainie — 1300 čałaviek.
U zajavie Rubia z nazvaju «Vitajučy vyzvaleńnie hramadzian ZŠA i palityčnych źniavolenych z pałonu ŭ Biełarusi» havorycca, što «mocnaje kiraŭnictva prezidenta Trampa pryviało da vyzvaleńnia amierykanca, niespraviadliva zatrymanaha ŭ Biełarusi, i dvuch palityčnych źniavolenych».
«My pa-raniejšamu addanyja spravie vyzvaleńnia inšych hramadzian ZŠA ŭ Biełarusi i inšych krainach. My zaklikajem vyzvalić amal 1300 palityčnych źniavolenych, jakija zastajucca ŭ turmach pa ŭsioj Biełarusi», — napisaŭ kiraŭnik amierykanskaha źniešniepalityčnaha viedamstva.
Ź Biełarusi ŭ Litvu amierykanskija dypłamaty vyvieźli palitźniavolenaha supracoŭnika «Radyjo Svaboda» Andreja Kuźniečyka, aktyvistku Alenu Maŭšuk i hramadzianina ZŠA, imia jakoha nie raskryvajecca.
Raniej režym Łukašenki vyzvaliŭ jašče adnu amierykanskuju hramadzianku — uradženku Biełarusi Anastasiju Niufier.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary
riešiła pokazať svojo prievoschodstvo nad druhoj jahodoj odnoho pola?