Dudkin asprečvaje, što jon ahient KDB: Pryčyna kampanii suprać mianie — maja paśpiachovaja dziejnaść
Z błytanaha kamientara eks-lidara BCHD možna zrabić vysnovu, što zroblenaja im zajava pra supracoŭnictva z KDB była… pravierkaj siabroŭ partyi.
Biełaruskija chryścijanskija demakratry pad kiraŭnictvam Hieorhija Dźmitruka zajavili pra toje, što vyjavili krata ŭnutry supolnaści — Jaŭhiena Dudkina. Padčas unutranych raźbiralnictvaŭ vyjaviłasia, što Dudkin źjaŭlajecca daŭnim ahientam KDB. Taksama jon nibyta sam paćvierdziŭ hety fakt ciapier užo byłym adnapartyjcam.
U adkaz na heta palityk daŭ «Našaj Nivie» kamientar, u jakim usio asprečvaje:
«Ja nie źjaŭlajusia ahientam KDB. Zaraz idzie metanakiravanaja kampanija suprać mianie. Pryčyna — maja paśpiachovaja dziejnaść u partyi».
Ad dalejšych kamientaroŭ Dudkin admoviŭsia.
Padobnuju zajavu jon apublikavaŭ i ŭ siabie ŭ sacsietkach: «Idzie metanakiravanaja kampanija suprać majoj asoby jak vynik pravierki tych ludziej, chto vakoł mianie. Hladzicie na płady. Z Boham!»
A kali ŭ jaho ŭdakładnili, ci pryznavaŭsia jon adnapartyjcam u supracoŭnictvie z KDB, Dudkin adkazaŭ, što «heta była pravierka siabry partyi» (dakładnaja cytata — NN).
***
Jaŭhien Dudkin — 36-hadovy palityčny dziejač u emihracyi. Ź Biełarusi jon, nastaŭnik pa adukacyi i rehijanalny aktyvist pa žyćci, źjechaŭ jašče ŭ 2018-m, asieŭ u Polščy jak ekanamičny mihrant. Apošnim časam jon źjaŭlaŭsia kiraŭnikom fondu «Biełaruskaja chryścijanskaja demakratyja» (Białoruska Chrześcijańska Demokracja.
Kamientary