ZŠA praciahvajuć pieradavać Ukrainie raźvieddanyja, ale ŭ abmiežavanym abjomie
Pavodle źviestak telekanała CNN, jaki spasyłajecca na dźvie krynicy ŭ Pientahonie, ZŠA pa-raniejšamu dzielacca z Ukrainaj raźvieddanymi, jakija dapamahajuć abaronie, ale skaracili pieradaču infarmacyi, jakaja mahła b vykarystoŭvacca dla nastupalnych apieracyj suprać rasijskich vojskaŭ.
Pa słovach surazmoŭcaŭ CNN, ZŠA nie chočuć, kab ich ličyli aktyŭnymi pamočnikami Ukrainy ŭ naniasieńni ŭdaraŭ pa Rasii. Ale ZŠA, maŭlaŭ, taksama nie źbirajucca chavać infarmacyju, jakaja moža dapamahčy Ukrainie abaranić siabie, dadali čynoŭniki.
Krynicy CNN taksama adznačajuć, što spadarožnikavy internet-servis Starlink Iłana Maska, jakim karystajucca ŭkrainskija vajskoŭcy, pa-raniejšamu pracuje va Ukrainie.
4 sakavika stała viadoma, što Tramp pryniaŭ pastanovu prypynić usiu vajskovuju dapamohu Ukrainie, uklučajučy tuju, što ŭžo była ŭ darozie.
5 sakavika stała taksama viadoma, što spyniŭsia abmien raźvieddanymi, uklučajučy tyja, što tyčacca puskaŭ rasijskich rakiet. Kamientujučy spynieńnie pastavak dapamohi Ukrainie, Tramp zajaviŭ, što «choča spynić śmierci».
Sienatary-respublikancy zaklikajuć Trampa adnavić dapamohu Ukrainie i jaje dostup da raźvieddanych
ZŠA adklučyli Ukrainie celepakazalniki dla HIMARS
«Tuman vajny stanie dla USU značna bolš hustym». Da čaho moža pryvieści admova ZŠA pieradavać svaje raźvieddanyja Ukrainie
Vens nazvaŭ umovy adnaŭleńnia vajskovaj dapamohi Ukrainie
Paŭza ci kaniec? Što aznačaje rašeńnie ZŠA prypynić dapamohu Ukrainie
Polšča ŭpieršyniu rezka adreahavała na infarmacyju z ZŠA. Havorka pra «Starlinki» dla Ukrainy
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary