Навукоўцы Акадэміі навук назвалі справядлівую цану на беларускую бульбу
Колькі насамрэч каштуе вырасціць і захаваць беларускую бульбу, высветлілі беларускія навукоўцы.
Гендырэктар НПЦ НАН па бульбаводстве і пладаагародніцтве Вадзім Маханько ў эфіры СТВ прадставіў дэталёвы разлік сабекошту вытворчасці. Лічбы аказаліся нечаканымі, заўважыла tochka.by.
«Чаму мы гаворым пра недахоп бульбы? Аб’ектыўная прычына ёсць. Спачатку заліло вясной-летам 2024-га, потым была засуха. А да чаго гэта прывяло? Клубняў завязалася шмат, а бульба не расла. Дэфіцыт буйной фракцыі — той, якая ідзе на продаж, у супермаркеты», — расказаў ён.
Кіраўнік цэнтра адзначыў, што сабекошт буйной і дробнай бульбы аднолькавы. У мінулым годзе ў звычайных гаспадарках ён набліжаўся да 50 капеек за кілаграм.
А ў тых, хто вырабляе насенне (напрыклад, прадпрыемствы НАН і прыватныя), сабекошт бульбы быў каля рубля. «Мы вырасцілі, выкапалі, паклалі ў сховішча. Гэта, будзем казаць, рубель», — патлумачыў эксперт.
Таксама Маханько звярнуў увагу і на значныя затраты на захоўванне бульбы, у тым ліку звязаныя з электраэнергіяй.
«Успомніце, якімі цёплымі былі восень і зіма. Каб бульба захоўвалася, яе трэба ахалоджваць. На гэта ідзе электраэнергія. Кожны месяц плюс 10 капеек. Кастрычнік — плюс 10 капеек, 6 месяцаў
— 1 рубель 60 капеек — вось справядлівая цана на бульбу ў асобных вытворцаў. Гэта трэба ўлічваць», — падкрэсліў спецыяліст.
Зараз у беларускіх крамах бульба прадаецца ад 1,5 рубля да 4,99 рубля (мытая — даражэй).
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос19
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары