«U balnicy ŭ ciažkim stanie». Padrabiaznaści pra vypadak u Žodzinie, dzie vučań vypaŭ z akna škoły

Paśla publikacyi materyjału pra vučnia, jaki vypaŭ z akna adnoj z žodzinskich škoł, z redakcyjaj Onliner.by źviazalisia niekalki čytačoŭ i padzialilisia detalami incydentu.

Pra stan samoha chłopčyka taksama jość naviny: jon znachodzicca ŭ balnicy ŭ stabilna ciažkim stanie, ale, jak paviedamiła jaho siamja, «jość dynamika da adnaŭleńnia».

Incydent adbyŭsia ŭ sieradu, 15 kastryčnika, bližej da 12 hadzin, raskazali niekalki krynic, nie źviazanych pamiž saboj.

Paciarpieły chłopčyk vučyŭsia ŭ piatym kłasie, niezadoŭha da zdareńnia ŭ jaho byŭ urok anhlijskaj. Kabiniet, z akna jakoha vypaŭ vučań, raźmieščany na trecim paviersie škoły, i zvyčajna ŭ im prachodziać uroki biełaruskaj movy i litaratury.

Dakładna toje, jak usio adbyłosia, čytačy nie viedajuć, pakolki sami asabista nie znachodzilisia ŭ kabiniecie ŭ toj momant.

Adzin z navučencaŭ škoły napisaŭ, što ŭrok u piacikłaśnika viała novaja nastaŭnica pa anhlijskaj, jakaja pryjšła pracavać u škołu tolki ŭ hetym navučalnym hodzie: «Jana dała vučniam test, a toj samy chłopčyk zdaŭ pusty listok. Nastaŭnica pačała havaryć, što jon nie hatovy da ŭroka, i ci to pastaviła drennuju adznaku, ci to napisała zaŭvahu (ščyra, nie viedaju). Potym prahučaŭ zvanok, dzieci pajšli chto ŭ stałoŭku, chto kudy — i tut dźvie viersii taho, što adbyłosia dalej <…>».

Pra roznyja viersii taho, što zdaryłasia, užo pisali. Pakul niama dakładnaj infarmacyi ab tym, vypadkova dzicia vypała z akna ci naŭmysna. Sa słoŭ krynic, paśla incydentu nastaŭnikaŭ abaviazali zakryvać na pierapynkach kabiniety i nie pakidać dziaciej adnych. Vučni kažuć, što nastaŭnica anhlijskaj nie pradjaŭlała niejkich zališnich patrabavańniaŭ u dačynieńni da dziaciej.

Pavialičyć

Uviečary suboty, 18 kastryčnika, u adnym z žodzinskich pablikaŭ źjaviłasia paviedamleńnie, jakoje pačynałasia słovami «INFARMACYJA ad siamji chłopčyka Sašy, jaki vypaŭ z akna ŭ škole». Tam sa spasyłkaj na jaho blizkich było napisana nastupnaje: «Mnohija pieražyvajuć, tamu aktualnaja dakładnaja infarmacyja ad siamji z dazvołu mamy. Na siońnia: dzicia znachodzicca ŭ ciažkim stabilnym stanie, stabilny — heta samaje važnaje. Dynamika da adnaŭleńnia jość, ale treba čakać, patrebien čas. Pa rasśledavańni kamientaryjaŭ nie dajuć, jaho viadzie Śledčy kamitet. U dapamozie pakul nie majuć patreby, rodnyja ŭ kursie, što šmat ludziej, hatovych adhuknucca, i kali patrebna budzie dapamoha finansavaja albo inšaja, daduć viedać».

Dziaŭčyna, jakaja apublikavała hety post, paćvierdziła, što padtrymlivaje kantakt ź siamjoj piacikłaśnika i što jaho siamja pakul nie hatovaja mieć znosiny sa ŚMI.

U škole admovilisia raskazvać padrabiaznaści pra toje, što adbyłosia. Žurnalisty źviarnulisia pa kamientaryj da načalnika adździeła pa adukacyi, sporcie i turyźmie Žodzinskaha harvykankama Volhi Hałabarodavaj:

— Ja nie budu ničoha kamientavać, jość kampietentnyja orhany, jakija pravodziać śledčyja mierapryjemstvy, tudy i źviartajciesia.

— Vy majecie na ŭvazie Śledčy kamitet?

— Tak.

U pres-słužbie SK, kudy taksama źviarnulisia pa infarmacyju, adkazali, što aficyjny kamientaryj budzie dadzieny «jak tolki dazvolić śledčaja situacyja».

• 0
• 0
• 0
• 1
• 0
• 2
• 0
• 0