Vydaviectva Skaryna Press vypuskaje ŭ «Vilenskaj sieryi» tvory Ciotki (Ałaizy Paškievič). Kniha, prymierkavanaja da 150‑hodździa aŭtarki, vyjdzie z druku łacinkaj, piša bellit.info.
Na pačatku XX stahodździa Ałaiza Paškievič była adnoj z tych, chto aktyŭna dałučyŭsia da tradycyi vykarystańnia łacinki ŭ biełaruskim druku. Jejnyja pieršyja zborniki paezii byli nadrukavanyja łacinskimi litarami.
U vydańnie ŭvajšli paetyčnyja i prazaičnyja tvory aŭtarki, napisanyja dla darosłych čytačoŭ. Adna z metaŭ knihi viarnuć aryhinalnaje abličča šerahu tekstaŭ, jakija ciaham stahodździa rabilisia štorazu mienš paznavalnymi ad pravapisnaha i ideałahičnaha redahavańnia, tłumačać u vydaviectvie.
Zbornik taksama akcentuje ŭvahu na feminisckich pierakanańniach Ałaizy Paškievič, čamu pryśviečanaja pradmova ŭkładalnika knihi Uładzisłava Harbackaha.
Knihu ŭžo možna zamović praz sajt vydaviectva «Skaryna».
Prezentacyja «Tvoraŭ» Ciotki adbudziecca padčas kanferencyi «Kulturnaja spadčyna Ałaizy Paškievič (Ciotki): prastora dyjałohu litoŭcaŭ i biełarusaŭ» u Vilni.
25 vieraśnia ŭ Domie-muzei Maryi i Jurhisa Šłapielisaŭ (Pilies g. 40).
Ciapier čytajuć
U rasijskaj armii biełaruskaha najomnika paviesili na drevie ŭniz hałavoj i bili pałkaj pa hienitalijach1
Kamientary