U Ošy i Džałał-Abadzie raspačałasia etničnaja čystka uźbiekaŭ. Sotni achviaraŭ.
U Ošy i Džałał-Abadzie raspačałasia etničnaja čystka uźbiekaŭ. Sotni achviaraŭ.
Siły, viernyja Časovamu ŭradu, akazalisia niazdolnymi spynić sutyčki kirhizaŭ i uźbiekaŭ u Ošy, Kara-Su i Džałał-Abadzie. U vyniku kryvavych pahromaŭ dziesiatki, a pavodle niekatorych źviestak sotni čałaviek zahinuli, tysiačy paciarpieli.
Adkazvajučy na prośbu uźbiekskaj hramady, Kirhizija adkryła miažu z Uźbiekistanam. Pavodle źviestak Taškienta, jaje pierajšli kala 75 tysiač uciekačoŭ.
Spalenyja uźbiekski i kirhizski teatry ŭ Ošy. U horadzie zamknionyja kramy, spyniłasia žyćcio. Horad doŭhi čas kantralavali ŭzbrojenyja bandy kirhizskaj moładzi. Asobnyja rajony na ŭschodzie horada zastajucca pad kantrolem adździełaŭ uźbiekskaj moładzi. Tolki ŭ niadzielu rehularnyja vojski ŭziali pad kantrol klučavyja abjekty horada, naprykład, piakarni.
U niadzielu ž etničnyja sutyčki pierakinulisia z Oša na druhi horad poŭdnia Kirhizii — Džałał-Abad.Jak pieradajuć infarmacyjnyja ahienctvy, ad troch da piaci tysiač čałaviek tam natoŭpam vandrujuć pa horadzie, plundrujučy chaty ŭźbiekaŭ i zabivajučy na svaim šlachu. Jany ŭvarvalisia ŭ častku Ŭnutranych vojskaŭ i zachapili tam BTR. Sa słovaŭ vidavočcaŭ, natoŭp arhanizavaŭ adzin ź plamieńnikaŭ eks-prezidenta Kurmanbieka Bakijeva Sanžar. Mienavita jon uzbroiŭ junakoŭ.
Miascovych uźbiekaŭ byli vinavacili ŭ spaleńni rodavaje chaty Bakijevych paśla biehstva apošniaha z krainy.
Sam Kurmanbiek Bakijeŭ znajšoŭ prytułak u Biełarusi. U intervju ahienctvu «Interfaks» jon stanaŭko admoviŭ svaju datyčnaść da biesparadkaŭ.
Sa słovaŭ pradstaŭnikoŭ Časovaha ŭrada, lik achviaraŭ na podni Kirhizii pajšoŭ na sotni. Milicyja i armija nie prajaŭlajuć voli, kab spynić raźniu.
Nie dajučy rady situacyi, časovy prezident krainy Roza Atunbajeva ŭ subotu źviarnułasia pa vajskovuju dapamohu da Rasii.Jana praviała telefonnyja pieramovy z kiraŭnikami RF. Adnak vojskaŭ nie dačakałasia.
Pres-sakratarka prezidenta Rasii vyklučyła mahčymaść imhniennaha ŭmiašańnia.Pakul niajasny miechanizm lehitymacyi vajskovaj prysutnaści. Toje moža adbycca abo pra Arhanizacyju damovy ab kalektyŭnaj biaśpiecy, u jakuju ŭvachodziać krainy SND, u tym liku i Biełaruś, abo praz Šanchajskuju arhanizacyju supracoŭnictva, u jakuju ŭvachodziać Rasija, Kitaj i inšyja krainy Jeŭrazii.
U vyniku eskałacyi padziejaŭ, jakija raspačalisia z Revalucyi ciulpanaŭ i pieraraśli praź piać hadoŭ u skidańnie Bakijeva, rasijskaja vajskovaja prysutnaść u rehijonie moža stać daminujučaj.
Łukašenka niervova prakamientavaŭ vizit Cichanoŭskaj u Kijeŭ45
Kamientary