Čorny rynak nie vieryć u miery Nacbanka: rubiel praciahvaje spaŭzańnie
U abmieńnikach valuty pa-raniejšamu niama. U valutčykaŭ kurs padros da 5400—6200 za dalar proci 5000—6800, jakija byli ŭ paniadziełak.
U abmieńnikach valuty pa-raniejšamu niama. U valutčykaŭ kurs padros da 5400—6200 za dalar proci 5000—5800, jakija byli ŭ paniadziełak.
Bieznajaŭnyja pazabiržavyja apieracyi praktyčna spynilisia paśla taho jak Nacbank ustanaviŭ vierchniuju hranicu ich 5030 rubloŭ. Reč u tym, što jašče ŭ paniadziełak banki pravodzili hiešefty pa 6500—7200, i ciapier pradpryjemstvy, ułaśniki valuty, prosta vyčekvajuć.
U toj ža čas kurs dalara na čornym rynku najaŭnaj valuty ŭ Minsku praciahvaje rost. Ad paniadziełka jon vyras na 400—500 rubloŭ da 5400—5800 (kupla) i 5800—6200 (prodaž).
Kurs rubla za miežami Biełarusi zaznaŭ anałahičnyja tendencyi. Uviečary paniadziełka dalar u vilenskim abmieńniku Citadele možna było pradać za 4660 rubloŭ, a na 13.00 sierady — užo za 5050. U toj ža čas pradavali dalary ŭ sieradu za 5920 (uviečary paniadziełka było 5420 rubloŭ).
U roźničnych prodažach z kursami raznaboj: ad 5500 da 10000.
Bolšaść ekśpiertaŭ schilajecca da taho, što Nacbanku nie ŭdasca ŭtrymać kurs na ŭzroŭni 5000. A ŭpartaje datrymańnie takoha kursu zachavaje raniejšy deficyt valuty na lehalnym rynku i pryviadzie da roskvitu čornaha rynku.
Psichałahična takaja situacyja vyklikaje dadatkovy cisk na rubiel. Ludzi i pradpryjemstvy čakajuć dalejšaj devalvacyi i ŭ vyniku nakručvajuć jaje sami.
Kurs u abmieńnikach u aŭtorak zastavaŭsia ŭ miežach dazvolenych 5030 rubloŭ. Nahadajem, što ŭ paniadziełak Nacbank aficyjna devalvavaŭ rubiel prykładna na 60%. Pry hetym jon pakinuŭ mahčymaść devalvacyi jašče na 12% (da 5600 rubloŭ) da kanca hoda. Pa kursie 5000 u abmieńnikach zastajecca pa-raniejšamu pusta.
Nacbank pa-raniejšamu nie maje srodkaŭ dla valutnych interviencyj. U toj ža čas devalvacyjnyja čakańni zastajucca vysokimi. Jak akazałasia, rost rubla ŭ piatnicu i paniadziełak byli vyklikany patrebami pradpryjemstvaŭ spłacić padatki — heta robicca da 23-ha. Ad 24-ha rubiel viarnuŭsia da raniejšaj piesimistyčnaj tendencyi.
Łukašenka niervova prakamientavaŭ vizit Cichanoŭskaj u Kijeŭ45
Kamientary