Raby suślik — budučy simvał Mira i Kareličaŭ

Mienavita tut ekołahi chočuć adnavić papulacyju redkich źviarkoŭ.

Nadzieja źjaviłasia paśla taho, jak u rajonie vyjavili kala 40 asobin źnikajučych žyvioł. Akazałasia, što miascovyja žychary bolš za 30 hadoŭ viaduć vajnu z maleńkim suślikam. Viaskoŭcy ličać jaho škodnikam i niščać roznymi sposabami. Naprykład, zalivajuć nory vadoj.

Hałoŭny ekśpiert pa bijaraznastajnaści prajekta PRAAN/HEF Michaił Maksimienka patłumačyŭ pryčynu takoj nielubovi: u svoj čas suśliki mocna raspładzilisia ŭ Karelickim rajonie i stali źniščać pasievy zbožžavych. Źviarku abviaścili «chimičnuju vajnu». Nory apracoŭvali siarnistym vuhlarodam, užyvalisia vostradziejučyja atrutnyja srodki: faśfid cynku, ftoracetamid, cyjanid i strychnin.

— Z-za aktyŭnaha źniščeńnia raniej viadomyja pasieliščy suślikaŭ u Karelickim rajonie apynulisia niežyłymi. Adnak znojdzienyja na minułym tydni 40 asobin dajuć šaniec dla adnaŭleńnia hetaha vidu na terytoryi rajona, — kaža Michaił Maksimienka.

Areał raboha suślika ŭ Karelickim rajonie — samyja paŭnočnyja ŭ Jeŭropie. Jak raskazaŭ śpiecyjalist, źviarka pryciahnuli navakolli pasiołka Mir z-za pahorystaj miascovaści, bahataj hleby i pašavych uhodździaŭ. Adnak mnohija žychary Kareličy da hetaha času nie viedajuć, što raboha suślika ŭ 2004 hodzie zanieśli ŭ Čyrvonuju Knihu. U apošnija hady kolkaść zvykłych dla vobłaści žyvioł značna pamienšyłasia. Siońnia śpiecyjalisty nie pakidajuć sprobaŭ znajści bolšuju kolkaść suślikaŭ ŭ Karelickim rajonie.

— Kab vyratavać źviarka, nieabchodny ŭdzieł miascovych žycharoŭ. Navat prostyja na pieršy pohlad dziejańni — daniasieńnie infarmacyi ab nieabchodnaści achovy suślika da ziemlekarystalnikaŭ, ustalavańnie aharodžaŭ i infarmacyjnych znakaŭ kala nor — mohuć stać vyrašalnymi ŭ spravie zachavańnia źviarka, — kaža Michaił Maksimienka.

Daviedka «VH»

Suślik zamacavaŭsia ŭ Biełarusi na biaźlesnych raŭninach ŭ rehijonach ź intensiŭnym ziemlarobstvam. Lubimyja miescy pasialeńnia raboha suślika — heta vyhany i pašy praciahłaha vykarystańnia, suchija miežy, abłožnyja łuhi. Siońnia raby suślik uvachodzić u lik vidaŭ, jakija achoŭvajucca na mižnarodnym uzroŭni: źviarka achoŭvajuć u Čechii, Vienhryi, Polščy, Małdovie, Ukrainie i šerahu inšych krain.

Darečy

Zhodna z zakanadaŭstvam Respubliki Biełaruś, za niezakonnuju zdabyču raboha suślika i razbureńnie jaho nor nakładajecca štraf u pamiery ad 20 da 50 bazavych vieličyń dla fizičnych asob i da 1 000 — dla jurydyčnych asob.

U temu

Prajekt PRAAN/HEF «Intehracyja pytańniaŭ zachavańnia bijaraznastajnaści ŭ palityku i praktyku terytaryjalnaha płanavańnia ŭ Biełarusi» realizujecca ŭ našaj krainie z studzienia 2010 Nacyjanalnym vykanaŭčym ahienctvam prajekta źjaŭlajecca Ministerstva pryrodnych resursaŭ i achovy navakolnaha asiarodździa Respubliki Biełaruś.

• 0
• 0
• 0
• 0
• 0
• 0
• 0
• 0