Ekpluatacyjny čarnobylski bajavik. Kiepska, zatoje «narodnaje kino» i pa temie.
BT, 12.35
«Rejndžer z atamnaj zony»
Biełaruś – Rasieja, 1999, kalarovy, 85 chv.
Režyser: Viačasłaŭ Nikifaraŭ
Roli vykonvajuć: Alaksiej Kraŭčanka, Taciana Miaščerkina, Uładzimier Samojłaŭ, Siarhiej Machavikoŭ, Alaksandar Bierazień, Rada Nikifarava, Vala Nikifaraŭ
Žanr: Bajavik
Adznaka: 2 (z 10)
Padvodnik Barsuk paśla zvalnieńnia z rasiejskaj armii viartajecca dadomu, u miastečka la čarnobylskaj zony. Kapitan zastupaje na baćkoŭskuju pasadu leśnika. Ciapier jon budzie zmahacca z mafijaj, jakaja handluje zaražanym miasam i zaadno naładziła narkatrafik.
Stužka Nikifarava – jaskravy pradstaŭnik «novaha narodnaha kino» («Syn za baćku», «Kachać pa-rusku 1,2,3»). Hieroi hetych karcin paŭstajuć suprać kanstytucyj, zakonaŭ i rynku i zmahajucca z kiepskimi biznesoŭcami, adkapaŭšy prychavany kulamiot. Pamahatyja ŭ zmahańni suprać zakonaŭ – kałhaśniki j milicyjanty, jakija nudziacca biez savieckaj ułady i zakidvajuć voraha šapkami.
Čarnobylski bajavik Nikifarava vyhladaje kvoleńkim na tle i biez taho nie bliskučaha «achlakratyčnaha» kino. Ale kiepskaje kino maje svaje ekspluatacyjnyja manki.
U «Rejndžery» - heta Alaksiej Kraŭčanka – u hałoŭnaje roli (aktor prasłaviŭsia, źniaŭšysia padletkam u «Idzi j hladzi»). Jość abaviazkovyja – i biezdapamožnyja – eratyčnyja sceny. Hrudastyja prastytutki čarnobylskaj zony (?!!) – sapraŭdnaja trešavaja vynachodka.
I źviarnicie ŭvahu na partret, pad jakim zmahajecca kapitan Barsuk.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka7
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2929
Kamientary