Suzdalcaŭ: Łukašenka svabodny navat ad reštak braterskich pačućciaŭ da Rasiei
Palitolah Andrej Suzdalcaŭ u svaim błohu analizuje vizyt Łukašenki ŭ Azerbajdžan
Vizyt prajšoŭ na antyrasiejskaj nocie, što, na dumku palitolaha, całkam abiasceńvaje sajuźnickuju rytoryku Łukašenki apošnich miesiacaŭ. Zrešty, zaŭvaždaje Suzdalcaŭ, biełaruski prezydent i jaho atačeńnie daŭno pazbaŭlenyja «reliktavych reštak brackich pačućciaŭ da Rasiei». Aficyjny Miensk daŭno bačyć va ŭschodniaj susiedcy tolki enerharesursy dy palityčnyja pahrozy isnavańniu režyma. A. Suzdalcaŭ padkreślivaje tatalnuju zaležnaść Łukašenki ad Rasiei: tolki jana moža zabiaśpiečyć poŭnuju padtrymku jaho ŭłady, u svaju čarhu tolki jon moža hetuju padtrymku ŭ Rasiei zdabyć. Palitolah piša pra stračanyja mahčymaści biełaruskaha ŭradu naładzić uzajemavyhadny tranzyt enerharesursaŭ praź Biełaruś. Vyjściem dla biełaruskaha kiraŭnika jość kardynalnaja čystka kadraŭ — tych, što spryčynilisia da nafta‑hazavaha kanfliktu. I raspačać dyjaloh iznoŭ.
A. Suzdalcaŭ krytykuje sproby naładzić naftazdabyču ŭ Azerbajdžanie, ci ŭ Venesuele, jak i pryciahnieńnie jakich zaŭhodna budaŭnikoŭ AES, akramia rasiejskich. Na jaho dumku, u takim vypadku ŭ hulniu ŭstupaje Ameryka, ź jakoj nie atrymajecca damovicca tak, jak heta možna zrabić z Rasiejaj. Kali enerhietyčny adryŭ adryŭ ad Rasiei ŭsio ž adbudziecca, to heta zaŭvažna źmienić źniešniepalityčnuju sytuacyju va Ŭschodniaj Eŭropie. Što, adnak, źmienić i asabisty palityčny los biełaruskaha prezydenta, miarkuje maskoŭski palitolah.
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
Kamientary