Баранчык: На беларускай мове гавораць толькі незамужнія студэнткі педагагічнага ўніверсітэта і частка нацыянальнай эліты
«На беларускай мове гавораць толькі незамужнія студэнткі педагагічнага ўніверсітэта і частка нацыяльнай эліты, — заявіў на канферэнцыі «БелаРускі дыялог» ў Маскве расійскі прапагандыст Юрый Баранчык. — А што да тых жа апазіцыянераў, то ў Магілёве ні адзін з іх не аддаў сваё дзіцё ў беларускамоўную школу», — сказаў Баранчык.
Выказванне Баранчыка цытуе ў сваім фэйсбуку журналіст Зміцер Лукашук. «Я ў такім выпадку хто — незамужняя студэнтка ці нацыянальная эліта?» — іранізуе Лукашук.
Міжнародная канферэнцыя «БелаРускі дыялог» прайшла ў Маскве 26 студзеня. Мадэратарам у кожнай яе секцыі выступаў палітолаг Андрэй Суздальцаў.
Сустрэча прайшла на базе Вышэйшай школы эканомікі, дзе Суздальцаў працуе намеснікам дэкана факультэта сусветнай эканомікі і сусветнай палітыкі.
Звяртае на сябе ўвагу спіс удзельнікаў. У Маскву былі запрошаны экс-кандыдатка ў прэзідэнты Таццяна Караткевіч, старшыня «Нашага дома» Вольга Карач, кіраўнік «Справядлівага свету» Сяргей Калякін, прафсаюзны лідар Аляксандр Ярашук.
Затое на сустрэчы не было ні Статкевіча, ні Бяляцкага, ні Лябедзькі, ні Трусава.
Сярод астатніх гасцей канферэнцыі варта адзначыць беларусіста з МГУ імя Ламаносава, аўтара паклёпніцкіх артыкулаў на тэму Беларусі ў расійскіх медыя Багдана Бяспальку, а таксама ідэолага сайта «Западнарус» Льва Крыштаповіча.
Андрэй Суздальцаў доўгі час жыў у Беларусі, аднак у 2006 годзе быў дэпартаваны з нашай краіны «ў сувязі з тым, што ўяўляе сабой пагрозу нацыянальнай бяспецы Беларусі».
Юрый Баранчык раней рабіў кіраўніком Інфармацыйна-аналітычнага цэнтра НДІ тэорыі і практыкі дзяржаўнага кіравання Акадэміі кіравання пры прэзідэнце Беларусі. Пасля стварыў інтэрнэт-праект imperiya.by і пераехаў у Маскву. У 2014 годзе гэты рэсурс публікаваў інструкцыі для баевікоў Усходняй Украіны.
Паводле звестак Similarweb.com, колькасць наведванняў imperiya.by у снежні 2015-га складала прыкладна 0,4% ад наведванняў сайта «Нашай Нівы». Прычым уласна беларуская аўдыторыя Імперыі складае толькі прыкладна 10%.
-
Ты рускамоўны чалавек свету ці ты чалавек беларускі? Кейс Насты Рагатко
-
«Валасы дыбарам». У ютубе з'явіліся відэаролікі па гісторыі Беларусі, ад пачатку да канца напісаныя штучным інтэлектам
-
Наста Рагатко: Усіх, хто супраць удзелу беларусаў у івэнтах расіян, я чакаю ўбачыць на кірмашах польскіх, брытанскіх, іспанскіх
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары