Пасол Руды сёння выступіць у Мінску з дакладам «Чаму нам не трэба эканамісты»
На «Кастрычніцкім эканамічным форуме» год таму Кірыл Руды, тады дарадца прэзідэнта па эканоміцы, выступіў з дакладам «Чаму рэформы не атрымаюцца (у Беларусі ў 2016 годзе)».
Як выбар пляцоўкі для такога выступу, так і фармулёўка тэмы ўразілі тады мінскую аўдыторыю.
Сёлета Руды зноў зачапіў. На гэты раз ён — пасол у Кітаі цяпер — выбраў сабе за тэму «Чаму нам не трэба эканамісты».
Выступ Рудага адбудзецца сёння а 17-й вечара. Форум праходзіць у будынку Dipservice Hall.
Адкрыюць яго намеснік кіраўніка Адміністрацыі прэзідэнта Мікалай Снапкоў, кіраўніца прадстаўніцтва Еўракамісіі Андрэа Віктарын і рэгіянальны прадстаўнік МВФ Бас Бакер.
КЭФ — рэдкая пляцоўка, дзе сутыкаюцца незалежныя эканамісты і дзяржаўныя чыноўнікі ўзроўню намеснікаў міністраў і намеснікаў старшыні Нацбанка.
У аргкамітэт Форуму сёлета ўвайшлі дырэктар бізнэс-школы ІПМ Павел Данэйка, навуковая дырэктарка даследчыцкага цэнтра ІПМ Ірына Тачыцкая, выканаўчы дырэктар CASE Belarus Серж Наўродскі і дырэктар дэпартамента стратэгічнага менеджменту і скарбу «БПС-Сбербанк» Дзмітрый Голухаў.
Тэма форуму сфармуляваная як «Рэформы для ўцягваючага росту». З праграмай можна азнаёміцца на сайце форуму.
Жывая відэатрансляцыя:
Цяпер чытаюць
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары