Уласнік «Паедзем, паядзім» Зайдэс падаў на «Новы час» такі ж самы пазоў, як раней Ізраілевіч
Галоўная рэдактарка газеты «Новы час» Аксана Колб раніцай 5 снежня атрымала смс-ку з суда Савецкага раёна Мінска. Яе просяць з’явіцца 17 снежня на папярэдні разгляд пазову Леаніда Зайдэса «па абароне гонару, годнасці і дзелавой рэпутацыі, спагнанні кампенсацыі маральнай шкоды».
Пакуль сам пазоў спадарыня Колб не бачыла (работнікі суда павінны прадаставіць цягам пяці дзён), таму не ведае, якія менавіта прэтэнзіі ў Зайдэса. Аднак сама фармулёўка гучыць гэтаксама, як папярэдні пазоў яшчэ аднаго бізнэсмэна Аркадзя Ізраілевіча. Той спадзяваўся спагнаць з «Новага часа» 40 тысяч рублёў маральнай кампенсацыі. Тады суд стаў на абарону незалежнага выдання.
«Ці дадае аптымізму станоўчы досвед такіх справаў у судзе? Хутчэй не, бо ў нашай краіне можа быць усё, што заўгодна. Гэтыя людзі не могуць супакоіцца, што аднойчы мы іх перамаглі ўжо. Што ж, будзем далей змагацца», — адзначыла Аксана Колб.
«Новы час» друкаваў серыю матэрыялаў журналіста Дзяніса Івашына аб тым, каму належыць рэстаран «Паедзем, паядзім» у Курапатах. Сам Івашын смс з запрашэннем у суд пакуль не атрымліваў.
-
ДАІ прапануе замяніць невялікія маршруткі аўтобусамі большай умяшчальнасці
-
«Асноўны інструмент — генетычная экспертыза». У Следчым камітэце расказалі, як раскрываюць забойствы даўно мінулых гадоў
-
У адкрытым доступе апублікавалі базу 4000 штатных супрацоўнікаў КДБ, імёны агентаў і інфарматараў не называюць
У адкрытым доступе апублікавалі базу 4000 штатных супрацоўнікаў КДБ, імёны агентаў і інфарматараў не называюць6
Каментары