На Алясцы трагічна загінула жонка актывіста Пятра Маркелава — у месцы смерці культавага амерыканскага бадзягі
Трагічнае здарэнне адбылося на Алясцы ў чацвер, 25 ліпеня. Пра гэта паведаміла мясцовае выданне Newsminer.com.
24-гадовыя беларусы Пятро Маркелаў і Ніка Ніканава згулялі вяселле 1 ліпеня і адправіліся ў падарожжа па Амерыцы. На Алясцы яны вырашылі пабачыць закінуты аўтобус, які стаў вядомы дзякуючы кнізе, а пасля і фільму «У дзікіх умовах» (Into the Wild; ён расказвае пра амерыканскага хлопца з забяспечанай сям'і, які адправіўся ў глухі раён Аляскі, пасяліўся там у аўтобусе, а праз чатыры месяцы загінуў там ад знясілення і голаду). Маладыя правялі там дзве ночы, паведаміў БелаПАН. Бяда здарылася па дарозе назад.
Калі падарожнікі спрабавалі перайсці раку Тэкланіка, але дзяўчыну змыла плынню. Пятро здолеў выцягнуць яе з вады, але Ніка была ўжо мёртвая.
Пятро паведаміў пра здарэнне ў мясцовую паліцыю.
Пятро Маркелаў — актывіст руху «Легалайз Беларусь», выступае за дэкрыміналізацыю наркотыкаў.
Ніка Ніканава — рэжысёрка 20-хвіліннай стужкі «Пакаленне 328» пра маці непаўналетніх, асуджаных за наркатычныя злачынствы.
У падлеткавым узросце знялася ў фільме «Брэсцкая крэпасць». Хацела паступаць у ЗША, але не здолела атрымаць візу. Вучылася ў ЕГУ па спецыяльнасці «Медыя і камунікацыі», але праз паўгода кінула вучобу і паехала займацца сёрфінгам на Балі. Падарожжа зацягнулася на тры гады. Пасля ўсё ж трапіла ў ЗША, вучылася на гадавой праграме дакументалістыкі. Апошнім часам жыла ў Нью-Ёрку.
Апошняе фота з Аляскі ў інстаграме дзяўчыны:
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА108
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары