Названыя топ-5 самых папулярных пастаўшчыкоў смартфонаў. Самыя цікавыя пазіцыі: 4 і 5
Samsung стаў найбуйнейшым пастаўшчыком смартфонаў па выніках першага квартала 2021 года. На другім месцы — Apple.
Аб гэтым паведамляецца ў даследаванні агенцтва Strategy Analytics, піша lenta.ru
За першы квартал карэйская кампанія адгрузіла на рынак 77 мільёнаў смартфонаў па ўсім свеце. У выніку доля карпарацыі на рынку склала 23%.
На другім месцы — Apple. Ён паставіў 57 мільёнаў iPhone, заваяваўшы долю ў 17%. Замыкае топ-3 Xiaomi — 49 мільёнаў прылад і доля 15%.
У першую пяцёрку таксама ўвайшлі кітайскія Oppo і Vivo — па 11% на кожную кампанію.
Пры гэтым выбуховы рост прадэманстравалі не Samsung, якую назвалі самым папулярным пастаўшчыком тэлефонаў, а кітайскія карпарацыі.
«Для кітайскага рынку смартфонаў гэта быў сенсацыйны квартал, абумоўлены поспехам прадуктаў 5G ў многіх цэнавых катэгорыях», — заўважыла старшы дырэктар Strategy Analytics Лінда Cуі. Пастаўкі смартфонаў у Кітаі выраслі на 35% у параўнанні з аналагічным перыядам 2020 года і склалі 94 мільёны адзінак.
Глабальныя пастаўкі смартфонаў дасягнулі 340 мільёнаў штук, што на 24% больш, чым у першым квартале 2020 года. Гэта самы высокі рост з 2015 года.
Цяпер чытаюць
У Гомелі за палітыку асудзілі кіраўніка аб'яднання, якое шукае парэшткі ахвяраў вайны і сталінскіх рэпрэсій, і яго жонку-медсястру4
Каментары