У Мінску 28 жніўня затрымалі доктарку Алену Церашкову і яе мужа, камп’ютаршчыка Андрэя.
Пасля затрымання іх адвезлі ў Фрунзенскі РУУС і судзілі праз скайп. Алена Церашкова за ўдзел у несанкцыянаваным мерапрыемстве атрымала 100 базавых (2900 рублёў). Андрэя арыштавалі на 15 сутак, паведамляе Радыё Свабода.
Пакуль Церашковых трымалі ў міліцыі і судзілі, у іх дома заставаліся чацвёра дзяцей.
Алена Церашкова — сястра актывіста «Еўрапейскай Беларусі» Максіма Вінярскага, які ў маі быў асуджаны разам з Паўлам Севярынцам ды іншымі актывістамі на вялікія тэрміны за ўдзел і арганізацыю масавых беспарадкаў.
Цяпер чытаюць
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары