Удзельнікі закрытага суда ў Гомелі пракаментавалі працэс, які пачаўся 24 чэрвеня.
Дар'я Лосік, жонка блогера Ігара Лосіка, паведаміла naviny.online, што муж у лістах называе суд «смехапанарамай» і ходзіць на пасяджэння ў масцы, каб схаваць усмешку: «Бярэ слова «суд» у двукоссі, таму што гэта судзілішча».
Сяргей Ціханоўскі піша з СІЗА, што суд будзе доўжыцца, магчыма, да лістапада. Лічыць, што на Новы год ужо не будзе ў Гомелі.
Аператар блогера Арцём Сакаў піша: «Калі я такі «злачынец», то няхай даюць найвышэйшую меру пакарання. Мяркуючы па тым, як праходзяць будні, разумееш, што табе паказваюць усеагульную зацікаўленасць у адтэрміноўцы».
Мікалай Статкевіч не наведвае пасяджэнні: ён сам дамагаўся гэтага ад суда, а затым быў выдалены да спрэчак бакоў.
Суд у Гомельскім СІЗА-3 пачаўся 24 чэрвеня. Судзяць блогераў Ігара Лосіка, Сяргея Ціханоўскага, Уладзіміра Цыгановіча, палітыка Мікалая Статкевіча, аператара Арцёма Сакава, мадэратара сацыяльных сетак Дзмітрыя Папова.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары