Ціханоўская назвала прынцыпы, на якіх гатовая выбудоўваць адносіны з Расіяй
17 верасня Святлана Ціханоўская ўзяла ўдзел у беларуска-расійскім дыялогу — анлайн-канферэнцыі аб шляхах развіцця Беларусі і Расіі і іх узаемадзеянні. У канферэнцыі ўзялі ўдзел члены эканамічнай каманды Ціханоўскай, расійскія эксперты Сяргей Гурыеў і Яўген Гонтмахер, беларускія эксперты Кацярына Барнукова і Максім Баграцоў.
Ціханоўская назвала прынцыпы, на якіх гатовая выбудоўваць адносіны з Расіяй:
«Першы прынцып — гэта вяршэнства права. Любы расійскі інвестар або гандлёвы партнёр, які вядзе сваю дзейнасць законна, зможа разлічваць на абарону сваіх інтарэсаў у незалежных беларускіх і міжнародных судах. Больш не будзе рызыкі быць арыштаваным. Больш не будзе рызыкі страціць усе актывы на тэрыторыі Беларусі толькі праз тое, што камусьці з чыноўнікаў спадабаўся ваш бізнэс.
Другі прынцып — гэта празрыстасць і адкрытасць дамоўленасцяў. Больш не будзе падпісаных здзелак, пра змест якіх ведае толькі вузкае кола набліжаных. Усе дамоўленасці будуць адкрытымі і выгаднымі для эканомік абедзвюх краін.
Трэці прынцып — Беларусь стане партнёрам, які выконвае ўзятыя на сябе абавязацельствы і не займаецца ўзбагачэннем за кошт падману гандлёвых партнёраў.
Наступны прынцып — у новай Беларусі будзе вітацца канкурэнцыя і не будзе спецыяльных умоў, якія зараз атрымліваюць набліжаныя да рэжыму бізнэсмены».
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы2
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары