Яфрэм Сакалоў быў першым сакратаром ЦК КПБ у 1987—1990 гадах.
Нарадзіўся 25 красавіка 1926 года ў Равячына, што ў Горацкім раёне. У 1944-1950 гадах служыў у Савецкай Арміі, затым працаваў кіроўцам у вучэбна-доследнай гаспадарцы Горацкага сельгасінстытута, які скончыў у 1956-м. З 1958 года ўжо быў на партыйнай працы. З 1969 года — у апараце ЦК Кампартыі Беларусі, а з 1977 па 1987 год быў першым сакратаром Брэсцкага абкама КПБ.
«Для жыхароў Брэсцкай вобласці Сакалоў — амаль ідэал кіраўніка. Ніхто ніколі не чуў, каб ён падняў голас на падначаленага. Ніхто не бачыў яго п'яным. Ніхто не мог западозрыць яго ў неахайнасці. Усе гады сваёй працы ў Брэсце Яфрэм Яўсеевіч займаўся адным: ён будаваў. Ён будаваў дамы, дарогі і гіганцкія жывёлагадоўчыя комплексы. Ёсць комплекс на 50 тыс. галоў — добра, а будзе і на 100 тысяч, увесь СССР павінен есці брэсцкую свініну. І самім берасцейцам павінна хапіць. А калі ёсць гіганцкія сельскагаспадарчыя прадпрыемствы, да іх павінны весці добрыя дарогі. І людзі павінны жыць у нармальных, зручных дамах. І той факт, што суровага Яфрэма Яўсеевіча, які мала пасміхаўся, узнагародзілі зоркай Героя працы — адзінага партфункцыянера пры Гарбачове! — а потым выбралі першым сакратаром ЦК КПБ, у вобласці ўспрынялі як належнае», — пісаў Аляксандр Фядута ў адным з артыкулаў.
На пенсіі Яфрэм Сакалоў узначальваў савет Кампартыі Беларусі, быў членам Рэспубліканскага савета ветэранаў вайны і працы, Узброеных сіл і праваахоўных органаў.
-
Журналістка «Спутніка» звяртаецца да Лукашэнкі: яе сын паступіў у Вышэйшую школу эканомікі ў Маскве, а дома на яго завялі крыміналку
-
Былы супрацоўнік «Бетэры» запісаў вялікае відэа пра гэта анлайн-казіно. Цяпер у яго праблемы з міліцыяй
-
У Мінску развіталіся з паэтам Уладзімірам Карызнам, аўтарам слоў да цяперашняга дзяржаўнага гімна Беларусі
Цяпер чытаюць
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны29
Каментары