Гендырэктарка БелТА Ірына Акуловіч назвала фэйкам масавыя забойствы ў Бучы
Па яе словах, колькі б доказаў ні прадастаўлялася і спадарожнікавых здымкаў ні публікавалася (маюцца на ўвазе доказы таго, што мірных жыхароў забівалі расійскія вайскоўцы), «мы будзем разумець, што гэта фэйк».
Дагэтуль у эфіры беларускага радыё Акуловіч расказвала, наколькі дасканала ў БелТА працуюць над праверкай інфармацыі. Варта адзначыць, што з пачаткам вайны тэлеграм-канал агенцтва ператварыўся ў агрэгатар навін расійскіх прапагандысцкіх медыя.
Нагадаем, што падчас спробы расійскіх войскаў захапіць Кіеў загінулі не менш за 1220 мірных жыхароў. Асабліва пацярпеў 30-тысячны горад Буча на стратэгічна важнай трасе з Кіева ў кірунку Польшчы, дзе было знойдзена больш за 320 забітых.
Магчыма, бучанцам помсцілі за разгром расійскіх калон у горадзе ў першыя дні вайны, у выніку якога прасоўванне расійскай арміі спынілася.
Глядзіце таксама:
Фота і відэа з Бучы аналізуе судмедэкспертка. Вось што яна пабачыла на страшных кадрах
Целы са знакамі катаванняў, трупы на вуліцах, брацкія магілы. Расійскія войскі пакінулі на Кіеўшчыне страшныя сляды
Цяпер чытаюць
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары