Беларусь забараняе ўезд на сваю тэрыторыю фур, зарэгістраваных у ЕС. Але з істотным выключэннем
Беларусь прыняла меры ў адказ у дачыненні да транспартных сродкаў, зарэгістраваных у дзяржавах-членах Еўрапейскага Саюза, паведаміла прэс-служба Мінтранса. З 00.00 16 красавіка 2022 года ўводзіцца забарона на перамяшчэнне праз мытную мяжу Еўразійскага эканамічнага саюза ў Беларусь аўтатранспартных сродкаў (аўтамабіляў і цягачоў), зарэгістраваных у Еўрапейскім Саюзе.
Прадугледжваюцца, аднак, выключэнні: калі аўтатранспартныя сродкі ідуць праз пэўныя пункты пропуску ў спецыяльна ўстаноўленыя месцы для ажыццяўлення грузавых аперацый і перачэпкі.
Вызначаецца і пералік такіх месцаў, а іншыя можа вызначаць Дзяржаўны мытны камітэт па ўзгадненні з Мінтрансам.
На транспартныя сродкі, зарэгістраваныя ў ЕС, якія перавозяць паштовыя адпраўлення і жывых жывёл, забароны не распаўсюджваюцца.
Таксама забарона не прымяняецца да 23 красавіка 2022 года да транспартных сродкаў, зарэгістраваных у ЕС, якія заехалі на тэрыторыю Беларусі да 16 красавіка гэтага года.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары