Афіцыйныя крыніцы Беларусі заяўляюць, што сёння раніцай на тэрыторыю Беларусі прыляцела ракета комплексу С-300.
Раніцай у сацсетках пабліка Янаўскага раёна з'явіліся фота абломкаў снарада. Паведамлялася, што нібыта ракету збілі каля вёскі Гарбаха.
«Грукат быў чуваць у полі. Дужа бахнула. Нібы выклікаў нехта міліцыю…» — расказаў «Нашай Ніве» адзін з мясцовых жыхароў.
У сельсавеце чакана адказалі, што не валодаюць інфармацыяй.
Пазней іншыя фота абломкаў апублікавалі таксама прапагандысцкія каналы, а потым факт падзення ракеты пацвердзіла прэс-служба Лукашэнкі.
Пул Лукашэнкі піша, што ракета комплексу С-300 упала ў прамежку з 10 да 11 раніцы. Сцвярджаецца, што яна прыляцела з тэрыторыі Украіны.
Лукашэнка даручыў стварыць групу спецыялістаў для расследавання інцыдэнту. Пацярпелых няма.
Сёння расійская армія выпусціла па Украіне 69 ракет, у тым ліку па Кіеўскай, Жытомірскай абласцях, якія мяжуюць з Беларуссю. Камандуючы ўкраінскай арміяй генерал Залужны паведаміў, што ўкраінская супрацьпаветраная абарона збіла 54 з іх.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары