Адвакатку Настассю Лазарэнка будуць судзіць за кансультацыі пад Акрэсціна
Палітзняволеную адвакатку затрымалі 2 чэрвеня — праз два дні пасля яе 40-годдзя. Спачатку супраць яе завялі крымінальную справу паводле ч. 3 арт. 130 КК за «перадачу даных сілавікоў і суддзяў у тэлеграм-каналы».
Цяпер стала вядома, што яе таксама абвінавачваюць паводле арт. 203-1 КК (незаконныя дзеянні ў дачыненні да інфармацыі аб прыватным жыцці) і ч. 1 арт. 342 КК (арганізацыя і падрыхтоўка дзеянняў, якія груба парушаюць грамадскі парадак). Паводле следства, яна нібыта арганізавала «несанкцыянаванае масавае мерапрыемства», калі праводзіла кансультацыю пад Акрэсціна ў жніўні 2020 года.
Хутка над ёй можа адбыцца суд. На волі ў яе засталіся пажылы бацька і 19-гадовы сын, які з 16 год пакутуе ад хваробы Крона.
Падтрымайце Настассю: СІЗА-1, 220030, Мінск, Валадарскага, 2, Лазарэнка Настасся Уладзіміраўна.
Каментары