Былога галоўнага лекара беларускіх санаторыяў у Друскеніках і Сочы будуць судзіць за «шпіянаж»
Былога галоўнага лекара беларускіх санаторыяў у літоўскіх Друскеніках і расійскім Сочы Андрэя Кобеля пачнуць судзіць 16 жніўня ў Мінскім гарадскім судзе, заўважыў Reform.by. Суд будзе праходзіць у закрытым рэжыме.
Кобеля абвінавачваюць паводле артыкула «Здрада дзяржаве», як пазначана ў раскладзе суда.
Андрэй Кобель працаваў галоўным лекарам у санаторыі «Беларусь» у Друскеніках, а пасля — на той жа пасадзе ў санаторыі ў Сочы. Пазней кіраваў аддзелам РНПЦ у Мінску.
Пра Кобеля расказвалі на дзяржтэлебачанні ў снежні мінулага года. Паводле афіцыйнай версіі, яго нібыта завербавалі літоўскія спецслужбы пад пагрозай шантажу. Ад лекара, як сцвярджалася, патрабавалася збіраць і перадаваць звесткі пра тых, хто адпачывае ў санаторыях, а таксама звесткі пра рэзідэнцыю Аляксандра Лукашэнкі ў Сочы, якая знаходзіцца на тэрыторыі санаторыя. Таксама сцвярджалася, што ён уладкоўваў на працу супрацоўнікаў на патрабаванне Дэпартамента дзяржбяспекі Літвы.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну51
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары