Ягор Лянкевіч адбываў тэрмін у наваполацкай калоніі № 1. Стала вядома, што ў Наваполацку 5 верасня адбыўся суд па замене яму рэжыму ўтрымання. Рашэннем суддзі Ірыны Жаровай яго перавялі на турэмны рэжым, які ён будзе адбываць у Магілёве, піша «Вясна».
Ягора Лянкевіча затрымалі 9 снежня 2021 года ў межах крымінальнай справы паводле арт. 342 КК (актыўны ўдзел у групавых дзеяннях, што груба парушаюць грамадскі парадак) і ч. 2 арт. 293 КК (удзел у масавых беспарадках).
У судзе Маскоўскага раёна Мінска 12 сакавіка 2022 года Ягора асудзілі да 5 гадоў і 6 месяцаў пазбаўлення волі ў калоніі ўзмоцненага рэжыму. У чэрвені 2022 года КДБ уключыў палітвязня ў спіс «асоб, датычных да тэрарыстычнай дзейнасці».
Каментары