Круглянскаму прадпрымальніку далі 6 гадоў і 6 месяцаў пазбаўлення волі за пратэсты і «нявыплату падаткаў»
Суд Круглянскага раёна 23 лістапада вынес прысуд вядомаму ў райцэнтры Круглае прадпрымальніку Аляксандру Каліну. Суддзя Марына Вецярэц прызнала яго вінаватым ва «ўхіленні ад выплаты падаткаў» (арт. 243 ч. 3 КК РБ) і «арганізацыі і падрыхтоўцы дзеянняў, якія груба парушаюць грамадскі парадак, альбо актыўным удзеле ў іх» (арт. 342 ч. 1), па сутнасці — ва ўдзеле ў мірных шэсцях у жніўні 2020 года, піша Mayday.team.
Каліну прысудзілі да 6,5 гадоў пазбаўлення волі ва ўмовах узмоцненага рэжыму. Акрамя таго, вядома, што бізнэсоўца чакае канфіскацыя некаторай маёмасці.
У жніўні 2020 года старшыня Круглянскага райвыканкама Сцяпан Палоннікаў склікаў праўладны мітынг, на якім публічна абразіў прадпрымальніка Аляксандра Каліна за ягоную грамадзянскую пазіцыю. У адказ ад імя прадпрымальнікаў Аляксандр Калін з калегамі вярнулі ў райвыканкам больш за дзясятак узнагарод, грамат і падзяк, атрыманых ад чыноўнікаў, якія кляліся раней у дружбе і павазе. Дыпломы яны расклалі проста на ганку райвыканкама.
Два з паловай гады ўлады ўстрымліваліся ад рэпрэсій у дачыненні да прадпрымальніка. Але 27 лютага 2023 года супрацоўнікі ДФР і Следчага камітэта вырашылі ўзяць Аляксандра Каліна пад варту. Спачатку яму прад'явілі абвінавачванне ва ўхіленні ад выплаты падаткаў шляхам утойвання або заніжэння падатковай базы. Роўна праз месяц, 27 сакавіка, пракурор Круглянскага раёна Аляксандр Раманаў санкцыянаваў ператрусы ў Круглым ужо ў рамках крымінальнай справы па абвінавачванні Аляксандра Каліна ва ўдзеле ў несанкцыянаваных масавых мерапрыемствах у Мінску ў перыяд з 16 па 23 жніўня 2020 года.
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!5
Каментары