Эканоміка

Еўрапейскі суд адмовіўся здымаць санкцыі з тэрмінала Клайпедскага порта, які часткова належыць «Беларуськалію»

Еўрапейскі суд прыняў рашэнне адхіліць пазоў тэрмінала навалачных грузаў у літоўскай Клайпедзе (Birių krovinių terminalas, BKT), які часткова належыць «Беларуськалію», супраць Рады ЕС. Пра гэта гаворыцца ў рашэнні суда ад 6 снежня, піша «Позірк».

24 лютага 2023 года Рада ЕС абнавіла і падоўжыла санкцыі ў дачыненні да Беларусі, якімі забаранялася перамяшчэнне па тэрыторыі ЕС калійных угнаенняў з Беларусі. Тэрмінал навалачных грузаў вырашыў аспрэчваць санкцыі ў судзе.

У рашэнні Еўрапейскага суда звяртаецца ўвага на тое, што Клайпедскі тэрмінал спазніўся з падачай пазову на адзін дзень: тэрмін для ініцыявання разбору складае два месяцы і адлічваецца з канца 14-га дня пасля публікацыі рашэння ў афіцыйным часопісе ЕС (27 лютага) — з 13 сакавіка. Гэты тэрмін дадаткова падаўжаецца на 10 дзён.

Такім чынам, апошнім днём для падачы пазову было 23 траўня, а BKT падаў пазоў у суд ЕС 24 траўня. Еўрапейскі суд у рашэнні адзначыў, што «правілы аб тэрмінах, прыдатныя ў гэтай справе, не выклікаюць якіх-небудзь асаблівых цяжкасцяў у тлумачэнні» і абавязаў бок, які прайграў, аплаціць судовыя выдаткі.

У лістападзе літоўскія СМІ са спасылкай на Міністэрства транспарту і сувязі гэтай краіны паведамілі пра тое, што ААТ «Беларуськалій» пачаў арбітражны працэс супраць Літвы, патрабуючы кампенсацыі шкоды ў памеры каля 1 млрд еўра, не лічачы працэнтаў і судовых выдаткаў.

«Беларуськалію» належыць 30% акцый тэрмінала навалачных грузаў у літоўскай Клайпедзе. Цяпер акцыі замарожаныя, бо ў 2021 годзе ЕС, ЗША, Вялікая Брытанія і Канада ўвялі санкцыі ў дачыненні да прадпрыемства. Экспарт калійных угнаенняў праз літоўскі порт у Клайпедзе спыніўся 1 лютага 2022 года.

Каментары

Цяпер чытаюць

Беларус забіў расійскага суддзю, а пасля адрэзаў яму пеніс і засунуў у рот трупу

Беларус забіў расійскага суддзю, а пасля адрэзаў яму пеніс і засунуў у рот трупу

Усе навіны →
Усе навіны

«Разламаўся пазванок». У Гродне падлетак пайшоў скакаць на батутах — і цяпер не адчувае ні рук, ні ног2

Крэмль: Падпісання дакументаў па выніках перамоў Пуціна і Трампа не плануецца2

Хатняе заданне па фізкультуры і тлумачэнне паняцця «каляровая рэвалюцыя». Якія змены ў школах будуць у новым навучальным годзе4

Маляваныча не пусцілі ў Грузію — начаваць ён будзе ў спецпакоі11

«Толькі ў Беларусі такое магчыма». Мужчына ў Z-майцы танчыць на плошчы пад украінскую песню ВІДЭА14

З 1 верасня павялічацца пенсіі

У Слуцкім раёне пабітая жанчына цярпела да таго часу, пакуль не трапіла ў рэанімацыю1

У гомельскай міліцыі расказалі, куды адпраўляюць працаваць «дармаедаў»3

Беларусь атрымала ад Расіі чарговую партыю самалётаў-знішчальнікаў1

больш чытаных навін
больш лайканых навін

Беларус забіў расійскага суддзю, а пасля адрэзаў яму пеніс і засунуў у рот трупу

Беларус забіў расійскага суддзю, а пасля адрэзаў яму пеніс і засунуў у рот трупу

Галоўнае
Усе навіны →

Заўвага:

 

 

 

 

Закрыць Паведаміць