У Лідзе малады чалавек пашкодзіў аўтамабіль і сам выклікаў міліцыю
2024 год 23-гадовы мінчук сустрэў з крымінальнай справай.
31 снежня малады чалавек прыехаў да сяброў у Ліду, каб сустрэць Новы год. Свята не абышлося без ужывання алкаголю, паведамляе абласная міліцыя.
Каля 7:00 гадзін хлопец накіраваўся ў горад. Шпацыруючы па вуліцы Гастэлы, ён заўважыў таксі. Ён паспрабаваў спыніць аўто, але, калі заўважыў, што кіроўца не спыняецца, ударыў нагой па дзвярах.
Пасля інцыдэнту сам патэлефанаваў у міліцыю з паведамленнем, што кіроўца таксі адмовіўся спыняцца.
Заведзена крымінальная справа па артыкуле «Хуліганства». Сума шкоды складае 500 рублёў.
Каментары
При помощи смартфона - не, не слышал!...