Эканоміка

У праект 13-га пакета санкцый Еўрасаюза трапіла беларускае абароннае прадпрыемства

Як стала вядома «Радыё Свабода» ад крыніцы ў Бруселі, у чарнавы варыянт 13-га санкцыйнага спісу супраць Расіі, які Еўрасаюз мае прыняць да другой гадавіны расійскага ўварвання ва Украіну 24 лютага, трапіла беларуская кампанія «Пеленг», якая распрацоўвае і вырабляе оптыка-электронную прадукцыю.

Будынак ААТ «Пеленг» у Мінску. Фота: Яндэкс

«Пеленг» — вядучае прадпрыемства па распрацоўцы і вытворчасці оптыка-электроннай прадукцыі вайсковага і цывільнага прызначэння. ААТ «Пеленг» вырабляе і пастаўляе камплектуючыя для вытворчасці расійскай артылерыі і вайсковай тэхнікі (напрыклад, бронетранспарцёраў БТР-82А), якую Узброеныя сілы Расіі выкарыстоўваюць у вайне супраць Украіны.

«Такім чынам, ААТ «Пеленг» матэрыяльна падтрымлівае дзеянні, якія падрываюць і пагражаюць тэрытарыяльнай цэласнасці, сувэрэнітэту і незалежнасці Украіны», — гаворыцца ў абгрунтаванні санкцый.

Раней ААТ «Пеленг» ужо трапіў пад санкцыі ЗША, Вялікабрытаніі і Украіны.

У рамках праграмы вайскова-тэхнічнага супрацоўніцтва Беларусі і Расіі да 2025 году ААТ «Пеленг» і расейскі НДІ «Сигнал» плянуюць стварыць малагабарытны аўтаматызаваны комплекс сродкаў артылерыйскага падраздзялення для расійскай арміі, прыдатны для нашэння або перавозкі.

Таксама ў праекце санкцыйнага спісу апынуўся ўраджэнец Беларусі — Васіль Мікалаевіч Шурпанаў, ураджэнец вёскі Межанін Клімавіцкага раёна Магілёўскай вобласці, 1957 года нараджэння. Ён генеральны дырэктар ААТ «Ніжагародскі машынабудаўнічы завод». Гэта расійскае вайскова-прамысловае дзяржаўнае прадпрыемства, якое займаецца сярод іншага распрацоўкай артылерыйскіх і ракетных сістэм, у тым ліку зенітных ракетных комплексаў С-300, якія знаходзяцца на ўзбраенні расійскага войска. 

Агулам у новы санкцыйны спіс ужо трапілі 63 асобы і 55 арганізацый. ЕС лічыць іх «адказнымі за дзеянні для падрыву або пагрозы тэрытарыяльнай цэласнасці, суверэнітэту і незалежнасці Украіны».

Спіс збіраюцца дапоўніць на наступным тыдні, а ўвогуле 13-ы пакет санкцый ЕС плануюць прыняць да 24 лютага.

Каментары

Цяпер чытаюць

Усе навіны →
Усе навіны

Нетаньяху даручыў ізраільскай арміі зноў біць па Газе13

Наўседа пра рэакцыю Лукашэнкі: Хочацца, каб яшчэ мацней прыпякло41

«Раніца — у школе, потым — гатэль». Знакаміты беларускі лыжнік расказаў, як жыве ў польскім Закапаным

«У палякаў усё гатова». Што кажуць пра магчымае адкрыццё «Брузгоў» і «Бераставіцы»?8

Мікола Дзядок параіў, што рабіць, каб наблізіць перамены29

Пад Баранавічамі мясцовы жыхар праводзіць бясплатныя экскурсіі па былой панскай сядзібе5

Аказваецца, Клачко, Манько і Баранаў, якія сказалі, што выйшлі з КР з фракцыяй «Воля», нікуды не выходзілі9

Зяленскі: Гатовыя весці перамовы дзе заўгодна, толькі не ў Расіі і дакладна не ў Беларусі9

У Гродзенскай турме адкрылі праваслаўную царкву10

больш чытаных навін
больш лайканых навін

Мяжа Беларусі і Літвы закрытая на месяц14

Мяжа Беларусі і Літвы закрытая на месяц

Галоўнае
Усе навіны →

Заўвага:

 

 

 

 

Закрыць Паведаміць