ФСБ затрымала грамадзяніна Беларусі за падпал электрападстанцыі ў Туле
У Варонежы затрымалі грамадзяніна Беларусі, які падпаліў цягавую электрападстанцыю ў Туле. Пра гэта паведамілі ў Цэнтры грамадскіх сувязяў ФСБ Расіі.
«Федэральнай службай бяспекі Расійскай Федэрацыі ў Варонежы затрыманы грамадзянін Рэспублікі Беларусь, 1998 года нараджэння, які мае дачыненне да падпалу 6 лютага 2024 года ў Туле цягавай электрападстанцыі АТ «Тульскія гарадскія электрасеткі» па заданні ўкраінскіх спецслужбаў», — гаворыцца ў паведамленні ФСБ.
У дачыненні да затрыманага следчым аддзелам УФСБ Расіі Тульскай вобласці распачатая крымінальная справа паводле ч. 1 арт 281 КК РФ (дыверсія). Яму пагражае да 20 гадоў пазбаўлення волі.
Паведамляецца, што затрыманы раней быў судзімы за хуліганства з ужываннем зброі, выбуховых альбо гаручых рэчываў. Пасля адбыцця пакарання ў студзені 2024 года ён, па версіі расійскіх следчых, нібыта праз неаднаразова судзімага за здзяйсненне крадзяжоў у Маскве жыхара Харкава, грамадзяніна Украіны Атары Данько па мянушцы Грыша Маскоўскі ўсталяваў кантакт з супрацоўнікам украінскіх спецслужбаў па імені Юрый.
Як паведамляе ФСБ, «Юрый» нібыта паставіў беларусу задачу за грашовую ўзнагароду здзейсніць дыверсіі і тэракты на аб'ектах грамадзянскай інфраструктуры РФ.
«5 лютага 2024 года па заданні Юрыя фігурант прыбыў у Тулу, дзе вырабіў самаробную запальную прыладу і ажыццявіў падпал электрападстанцыі», — заявілі ў ФСБ.
Чытайце таксама:
У Полацку адбыліся затрыманні з нагоды дыверсіі ў расійскім тунэлі, у якой абвінавачваюць беларуса
Затрыманы за дыверсію ў расійскім тунэлі беларус — шматдзетны бацька, які не змаўчаў у 2020-м
Цяпер чытаюць
Прапагандысты паказалі шэсць беларусаў, арыштаваных за данаты. Большасць з іх пераводзілі нязначныя сумы14
Каментары
Незразумела толькі, навошта спецслужбам Украіны тая падтанцыя ў Туле.