У Бярэзінскім запаведніку прачынаюцца мядзведзі. Але работнікі зазірнуць у адну з бярлог не наважыліся
Работнікі Бярэзінскага біясфернага запаведніка выявілі сляды некалькіх мядзведзяў, што гаворыць пра пачатак выхаду гэтых жывёл з зімовай спячкі. Пра гэта БелТА паведаміла начальнік навуковага аддзела прыродаахоўнай установы Анастасія Рыжкова.
«Падчас зімовых маршрутных улікаў у лютым былі знойдзены сляды мядзведзяў, але мы не можам сказаць, што ўсе яны прачнуліся канчаткова. У перыяд зімовых адліг бярлогі падтапляюцца, жывёлы ўстаюць і шукаюць сухое месца. Іх сляды знаходзяць.
Потым умовы надвор'я могуць змяніцца, зноў выпадае снег, прыходзяць маразы, мядзведзі зноў залягаюць у спячку. У канцы лютага, калі была адліга і назіралася вясновае красавіцкае надвор'е, былі знойдзены сляды першых абуджаных бурых мядзведзяў — адной або дзвюх асобін, яшчэ адной — у пачатку сакавіка», — сказала яна.
Сон мядзведзя ў сярэднім займае тры-чатыры месяцы (часцей са снежня па сакавік уключна) і працягваецца да пачатку вясновай капелі. Аднак супрацоўнікі Бярэзінскага запаведніка выяўлялі касалапых, што не спяць, і ў сярэдзіне гэтага перыяду.
Аднаго бурага фотапастка зафіксавала 3 снежня 2022 года, другі трапіўся на камеру ў канцы студзеня 2023-га.
«Нядаўна была знойдзена бярлога мядзведзя, але нашы супрацоўнікі не рызыкнулі ў яе зазірнуць, паколькі заставалася вялікая верагоднасць, што жывёліна знаходзілася ўнутры, — патлумачыла Анастасія Рыжкова. — Мядзведзь звычайна ламае галінкі, падсцілае пацяруху з лісця пад каранямі альбо вывернутым дрэвам, побач з вялікімі дрэвамі, і робіць сабе гняздо-буданчык.
У ваколіцах нашага адміністратыўнага цэнтра жыве некалькі мядзведзяў. Звычайна ставім фотапастку на іх шляху. У адным месцы выходзіць адзін і той жа мядзведзь — самец-волат, якога празвалі Чарнышом з-за характэрнай афарбоўкі. Сёлета ён яшчэ не выйшаў: не было фіксацыі фотапастак і слядоў у месцы, дзе звер звычайна абыходзіць сваю тэрыторыю».
У запаведніку і на тэрыторыі паляўнічых гаспадарак, якія прымыкаюць да іх, жыве да 75 бурых мядзведзяў з улікам маладняку.
У лесе пад Віцебскам знайшлі кінутых медзведзянятаў
Два гады таму ў Беларусі выратавалі медзведзяня, што засталося без мамы. Што з ім цяпер?
«Колькасць мядзведзяў галапуе ў нашай краіне». Шуневіч прапанаваў шляхі вырашэння праблемы
На Палессі мядзведзь разграміў пасеку і з'еў 30 кілаграм мёду
Ці часта мядзведзі ў Беларусі нападаюць на людзей?
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары