Бомба спрацавала ад сігналу GPS-навігатара.
Бомба, якую выкарыстоўвалі для выбуху на мосце, была заснаваная на ракетным паліве і мела магутнасць 10 тон тратылавага эквіваленту. Яна спрацавала ад сігналу GPS-навігатара, прыйшлі да высновы эксперты, піша kommersant.com
Асноўным зарадам стала сумесевае выбуховае рэчыва на аснове цвёрдага ракетнага паліва, якое змяшчае перхлараты калію або натрыю, а таксама дробнадысперсныя металы, заключылі эксперты. Па іх версіі, самаробную бомбу схавалі пад поліэтыленавай плёнкай таўшчынёй 0,1 мм, яе шчыльны пласт стаў абалонкай прылады.
Як сказана ў заключэнні экспертаў, «для дэтанацыі» ўжылі замежнае выбуховае рэчыва на аснове гексагену — хутчэй за ўсё, C-4 або PE-8. Схаваны пад плёнкай дэтанатар спрацаваў ад сігналу GPS-навігатара «ў момант праходжання загадзя зададзенага пункту маршруту».
Следчыя прыйшлі да высновы, што выбух арганізаваў старшыня СБУ Васіль Малюк.
Сам ён распавядаў, што асабіста распрацаваў і рэалізаваў аперацыю, прычым магутнасць выбухоўкі ацаніў інакш: «рулонамі забілі цэлы кантэйнер — іх сумарная вага ў трацілавым эквіваленце адпавядала 21 тоне». Кіраўнік СБУ падкрэсліў, што ўкраінскія аператыўнікі дзейнічалі самастойна, без дапамогі звонку.
Выбух на Крымскім мосце прагрымеў раніцай 8 кастрычніка 2022 года. Выбухнуў грузавік, у выніку чаго абрынуліся два аўтамабільныя пралёты, на чыгуначнай частцы загарэліся цыстэрны з палівам грузавога цягніка, які ў гэты час праходзіў па мосце. Загінулі чатыры чалавекі.
У лютым наступнага года на мосце пасля рамонту цалкам адкрылі ўсе палосы для легкавых машын, а ў маі быў адноўлены рух па чыгуначнай частцы.
Ціханоўскі расказаў, што трэба было рабіць у жніўні 2020-га60
Каментары