Сярод расійскіх вайскоўцаў, якіх сёння абмянялі, ёсць і беларус Герыловіч
У Расію сёння вярнуліся 90 палонных вайскоўцаў, сярод якіх, як паведамілі «Радыё Свабода» ў праекце «Хачу жыць», ёсць і беларус Андрэй Герыловіч. Ён стаў трэцім грамадзянінам Беларусі, якога ўзялі ў палон ва Украіне пасля расійскага ваеннага ўварвання ў 2022 годзе і перадалі Расіі ў межах абмену.
Андрэй Герыловіч ваяваў на баку Расіі ў складзе ПВК «Вагнер» і быў асуджаны ва Украіне на 9 гадоў зняволення.
У 2022 годзе беларус Андрэй Герыловіч прыехаў на цягніку з Гомеля ў Краснадар, адтуль на таксі дабраўся на палігон ПВК «Вагнер» і падпісаў кантракт на вайну ва Украіну. Украінцы ўзялі яго ў палон летась у лістападзе.
Падчас дасудовых следчых дзеянняў, як паведамляла Служба бяспекі Украіны, Андрэй Герыловіч даў сведчанні аб ваенных злачынствах расійскіх войскаў і ваенізаваных груповак, перадаў устаноўчыя звесткі асоб, датычных да іх, а таксама расказаў пра катаванні, пазбаўленне грашовага забеспячэння і забойствы за невыкананне злачынных загадаў. Пайшоўшы на пагадненне са следствам, ён пазбег максімальнага пакарання, а цяпер увогуле вярнуўся ў Расію.
Сёлета 8 лютага Украіна перадала Расіі грамадзяніна Беларусі Максіма Зязюльчыка, які ваяваў у падраздзеле «Ветэраны» расійскай прыватнай вайсковай кампаніі «Рэдут» і знаходзіўся ва ўкраінскім палоне з 19 верасня 2022 года. А 31 студзеня ў Расію з украінскага палону вярнуўся яшчэ адзін беларус Максім Запека.
Палонныя беларусы, якія ваявалі за Расію, просяць абмяняць іх на палонных каліноўцаў або палітзняволеных
Ва Украіне асудзілі беларуса-вагнераўца. Ён пайшоў на пагадненне аб прызнанні віны і пазбег максімальнага тэрміну
Украінскі суд пачаў разглядаць справу яшчэ аднаго палоннага беларуса, які ваяваў на баку Расіі
«Мама ў шоку». Што расказваюць знаёмыя пра беларуса з ПВК «Вагнер», якога ўкраінцы ўзялі ў палон
Беларус з ПВК «Вагнер» трапіў у палон
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос8
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары