Церцель заявіў, што Украіна адвяла войскі ад беларускай мяжы яшчэ 3—4 ліпеня
Старшыня КДБ заявіў аб спакойнай абстаноўцы на мяжы з Украінай і адзначыў, што спецыяльныя ўкраінскія падраздзяленні, сканцэнтраваныя раней на мяжы, былі перакінутыя ў месцы пастаяннай дыслакацыі яшчэ ў пачатку ліпеня, піша Інтэрфакс.
«Мы адзначаем, што ўкраінскі бок паводзіў сябе стрымана. І дзесьці 3—4 ліпеня нашай знешняй разведкай зафіксаваны адвод гэтых падраздзяленняў з прыгранічных з Рэспублікай Беларусь раёнаў. Яны сышлі ў месцы пастаяннай дыслакацыі», — сказаў Церцель, словы якога прыводзіць прэс-служба Мінабароны краіны.
Ён адзначыў, што па рашэнні Лукашэнкі сілавымі структурамі Беларусі — Міністэрствам абароны, Дзяржпагранкамітэтам, Камітэтам дзяржбяспекі — былі прыняты адпаведныя меры рэагавання.
«Неаднаразова нашы заклапочанасці даводзіліся па розных каналах. Адзначаем, што прынятыя меры адпавядалі абстаноўцы», — заявіў кіраўнік КДБ.
«У цэлым задача кіраўніка дзяржавы аб недапушчэнні эскалацыі, адэкватным дзеянні і дэманстрацыі нашай міралюбнай пазіцыі — яны аказалі дзеянне», — дадаў ён.
У суботу ўвечары міністр абароны Беларусі Віктар Хрэнін пасля нарады з удзелам Аляксандра Лукашэнкі заявіў аб неадкладным вывадзе войскаў узмацнення паўднёвага напрамку з мяжы з Украінай.
«Па выніках сённяшняй нарады Лукашэнка даручыў групоўку войскаў узмацнення паўднёвага аперацыйнага напрамку, аснову якіх складаюць сілы спецыяльных аперацый, вывесці з прыгранічнай зоны і вярнуць у пункты пастаяннай дыслакацыі. Мы неадкладна прыступаем да выканання гэтай задачы», — сказаў Хрэнін.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей3
Каментары