На гістарычным помніку заўважылі дзіўныя працы па навядзенні лоску.
Выданне «Могилев Live» апублікавала фотаздымкі, на якіх гістарычны будынак па 2-м Крутым завулку пульверызатарам фарбуюць з усіх бакоў ружовай фарбай. Усе вокны на першым паверсе надзейна пазабіваны АСП-плітамі. Як заўважаюць краязнаўцы, нічога з гэтага не рабілі б, калі б будынак збіраліся зносіць, як планавалася раней.
Першая магілёўская гарадская электрастанцыя была пушчана ў эксплуатацыю 7 лютага 1910 года, забяспечваючы энергіяй спажыўцоў у цэнтры горада. Побач з электрастанцыяй быў пабудаваны і першы электра-тэатр «Чары», на месцы якога сёння знаходзіцца кінатэатр «Чырвоная зорка».
Пасля ўвядзення новай электрастанцыі ў 1933 годзе магілёўская гарадская электрастанцыя была зачынена, а будынак быў перабудавана пад жылы дом. Што ўнікальна, пры кардынальнай перабудове фасадаў не сталі збіваць стары дэкор — будынак застаўся помнікам двух эпох, дарэвалюцыйнай эклектыкі і міжваеннага канструктывізму.
У апошнія дзесяцігоддзе будынак быў адселены, закінуты і патроху разбураўся. Пажар, які адбыўся ўвесну 2022 года, падштурхнуў актывістаў падаць прапанову аб узяцці будынка пад ахову, як важнага сведчання індустрыяльнага развіцця горада. Але чыноўнікі адмовілі па надуманай падставе.
Зусім нядаўна, у маі 2024 года, Магілёўскі гарвыканкам правёў грамадскае абмеркаванне рэканструкцыі 3-павярховага будынка былой электрастанцыі пад 6-павярховы шматкватэрны жылы дом сумнеўнай якасці архітэктуры, заказчыкам якой выступаў «Міракш Інвест».
У Магілёве знішчаць гістарычную электрастанцыю пад праект забудоўшчыка. Знос ізноў выдаюць за рэканструкцыю
Нягледзячы на слова «рэканструкцыя» ў назве, планавалася, што ад гістарычнага будынка па факце не застанецца нават падмуркаў — гэта звыклая практыка ў беларускім будаўніцтве.
Праекціроўшчыкі не скупіліся на пахвальбу свайго тварэння, хоць на рэндарах гэта была звычайная прамавугольная скрыня, якую можна пабачыць у самых танных раёнах любога беларускага горада.
Праект нязграбнага будынка члены архітэктурна-горадабудаўнічага савета ўсё ж развярнулі, але не таму, што ён прадугледжваў знішчэнне будынка ці таму, што ягоная архітэктура не адпавядала цэнтральнаму размяшчэнню ў горадзе. Праекціроўшыкі не змаглі размясціць неабходную колькасць парковачных месцаў. Заказчыку было прапанавана распрацаваць новы праект і зноў вынесці на грамадскае абмеркаванне.
Гэтая нарматыўныя перашкода не была непераадольнай — дастаткова было зменшыць колькасць кватэр ці скарэктаваць генплан. Але новы праект так і не быў паўторна вынесены на грамадскае абмеркаванне.
Сённяшнія работы на аб’екце можна патлумачыць толькі двума спосабамі. Або тым, што ў горадзе наводзяць лоск у чаканні прыезду высокіх гасцей, хоць 2-і Круты завулак наўрад ці сёння менавіта тое месца, куды павязуць дэлегацыі. Або будынак хочуць закансерваваць на доўгую перспектыву. Тады ў гістарычнага помніка яшчэ ёсць шанец зберагчыся.
«Наша Нiва» — бастыён беларушчыны
ПАДТРЫМАЦЬУ Магілёве знішчаць гістарычную электрастанцыю пад праект забудоўшчыка. Знос ізноў выдаюць за рэканструкцыю
Уваход у метро ў глушы. Гісторыя аднаго з самых незвычайных здымкаў Мінска
Улады расказалі, чаму дагэтуль не пачалі рэканструкцыю Чырвонага касцёла
Частку самага доўгага падвеснага моста ў Беларусі зробяць са шкла
Цяпер чытаюць
Былога беларускага палітвязня судзяць у Літве за падрыхтоўку да забойству расійскага апазіцыянера. Пагражае аж да пажыццёвага3
Каментары