Да канца 2024 года на вул. Курсанта Гвішыяні плануюць знесці даўгабуд, а тэрыторыю прывесці ў належны стан. Пра гэта расказала старшыня камітэта будаўніцтва і інвестыцый Мінгарвыканкама Ірына Гантарава, паведамляе «Мінск-Навіны».
На вуліцы Курсанта Гвішыяні, 5, ужо даўно павінен быў з'явіцца буйны гандлёвы цэнтр. Яго ўзводзіў «Трайпл», але ў кампаніі пачаліся праблемы, і аб'ект ператварыўся ў даўгабуд.
— Замоўцам будаўніцтва выступала кампанія «Трайпл». Меркавалася, што на гэтай тэрыторыі з'явіцца гандлёвы цэнтр, аднак кампанія не выканала сваю задачу. Сёння заказчык па гэтай пляцоўцы — УКБ Заводскага раёна. Распрацоўваецца праектная дакументацыя. Плануем, што ў верасні скончым распрацоўку праекта, атрымаем заключэнне экспертызы і ўжо ў 2024-м прыступім да зносу гэтага аб'екта. Тэрыторыю прывядзем у належны стан. Гэты даўгабуд будзе ліквідаваны, — распавяла Гантарава.
Гандлёвы цэнтр на вуліцы Курсанта Гвішыяні пачалі будаваць яшчэ ў мінулым дзесяцігоддзі, аднак пасля банкруцтва кампаніі «Трайпл» ён стаяў закансерваваным.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
І не падманвайцеся, апазыцыйныя ўрбаністы-плянавікі, каб перагрызьлі ўладных і паселі ўва ўладныя фатэлі ў цэнтрабудзе, так тое самае рабіцьмуць