«Дзе сто грамаў?» Як Мінск атрымаў правядзенне чэмпіянату свету па хакеі
Экс-трэнер зборнай Беларусі па хакеі Міхаіл Захараў у падкасце «Хоккейная варка» расказаў, як Мінск атрымаў права на правядзенне чэмпіянату свету па хакеі ў 2014 годзе. Яго расповед пераказвае «Трыбуна».
— Як Беларусь узяла чэмпіянат свету з нулём арэн?
— Я да гэтага часу не веру, што ў нас ён быў. Я часта ўспамінаю гэты момант. Да нас упершыню едзе Рэнэ Фазель (старшыня Міжнароднай федэрацыі хакею. — НН). Мяне пытаецца тагачасны кіраўнік нашай федэрацыі Уладзімір Навумаў, як будзем яго сустракаць.
— Адказваю: макароны, віно чырвонае і рыба якая-небудзь. Ну, калі ён са Швейцарыі, што ён будзе есці? Але на ўсякі выпадак патэлефанаваў Уладзіславу Траццяку (вядомы ў мінулым савецкі хакеіст, а потым спартыўны чыноўнік — НН). І ён мне кажа: «Фазель любіць гарэлку, добра прасмажанае мяса, бульбу і лазню». І мы ўсё распісалі ад пачатку да канца. Добра, што ўдакладніў. У Навумава ўсё было распісана.
Сустракаем. Убачыліся. Фазель кажа: «Нешта вы мяне не па-руску сустракаеце». Думаю, што ўжо не так. А ён: «Дзе сто грамаў?» Мы не разгубіліся, выходзяць дзяўчынкі, выносяць хлеб-соль і гарэлку. Секунда!
А як мы рабілі прэзентацыю. Напэўна, нельга расказваць. Але ўжо шмат часу прайшло.
Раптам у нас з'яўляюцца арабы, нейкая арэна ў арабскім стылі. Паставілі макет нейкага 10-га тысячнага арабскага катка. І Навумаў расказвае, як у нас у Мінску будуць стаяць два менавіта такія каткі.
Я думаю: нават неяк брыдка, не ўзгоднена ні з кім. А Навумаву — усё роўна: якая розніца, калі нам патрэбен чэмпіянат свету? Падман? Ды і што. Ён проста прыдумаў два каткі. Узяў недзе макеты гэтыя. Ну добра.
Потым паехалі ў лазню, да масажыста. Пасля вырашылі, што ідзём на наступны дзень да Лукашэнкі. У апошні момант усё памянялася і я не пайшоў — застаўся ў машыне. Потым з'ехалі ў аэрапорт. На сустрэчы ў Мінску ўсё было распісана. Я здзівіўся.
Але, канешне, як нам далі гэты чэмпіянат свету? У нас нават катлавана не было. Гэта нерэальна, — сказаў Захараў.
Цяпер чытаюць
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма8
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары
то-та думаю - чаму не затрымалася ў канторы (дзяржаўнай дарэчы), якая робіць такія каткі