Лідар «Хезбалы» перастаў выходзіць на сувязь пасля ізраільскіх удараў па Ліване
Сувязь з лідарам шыіцкай групоўкі «Хезбала» Хасанам Насрала страчаная пасля ўдараў Ізраіля вечарам па паўднёвых прыгарадах Бейрута, паведамляе Reuters са спасылкай на крыніцу, блізкую да групы.
Ізраіль назваў сваёй мэтай штаб-кватэру «Хезбалы». На момант атакі Насрала і некаторыя яго памочнікі знаходзіліся ў ліванскай сталіцы. The Wall Street Journal піша, што няма сувязі і з шэрагам высокапастаўленых чальцоў групоўкі.
Разам з тым раней паведамлялася, што Насрала жывы. Іранскае агенцтва Tasnim пісала, што ён у бяспечным месцы. «Хезбала» дагэтуль не рабіла якіх-небудзь заяваў пра ягоны лёс.
Разам з тым, ізраільскія СМІ паведамілі пра гібель дачкі Хасана Насралы Зейнаб. Паводле звестак журналістаў яе цела было знойдзена пад абломкамі каманднага цэнтра, па якім ударылі ізраільскія вайскоўцы.
Ізраіль нанёс удар па Бейруце ўвечары 27 верасня, ліванскія ўлады паведамілі пра шэсць загінулых і дзясяткі пацярпелых.
Праз некалькі гадзін прадстаўнік арміі абароны ЦАХАЛ папярэдзіў аб новых нападах па аб'ектах «Хезбалы», размешчаных пад дамамі ў паўднёвых прыгарадах, і заклікаў жыхароў шэрагу раёнаў тэрмінова эвакуявацца.
Ізраільскія вайскоўцы паведамілі, што ліквідавалі некалькі камандзіраў, у тым ліку кіраўніка ракетнага падраздзялення Мухамеда Алі Ісмаіла.
-
Ізраіль высылае «Лекараў без межаў» з сектара Газа. Медыкі адмовіліся даваць імёны сваіх людзей у рукі сілавікоў, асцергаючыся рэпрэсій супраць персаналу
-
Абараніць Ізраіль і арабскіх саюзнікаў. ЗША не ўдараць па Іране, пакуль не залатаюць дзіркі ў СПА
-
Трамп вырашыў пабудаваць у Вашынгтоне гіганцкую трыумфальную арку, якая будзе большай за парыжскую
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары
Это наверно Израилю РАЗРЕШИЛИ стрелять дальнобойными ракетами